Adrien Misigaro yatangaje ko agiye gukorana indirimbo na Israel Mbonyi kuko yasanze uyu musore akunzwe mu Rwanda ndetse ashimangira ko yasizwe amavuta.

Adrien Misigaro yavuze ikintu gikomeye kuri Israel Mbonyi

Adrien Misigaro waje mu Rwanda mu gitaramo cyo gushyigikira mugenzi we Gentil Misigaro mbere y’uko asubira muri Amerika ngo hari byinshi ashaka kubanza agakora.

Yahereye Iwawa asura urubyiruko ruriyo aruha inkunga yarugeneye anaganira na bamwe mu bahanzi bari kugororerwayo.


Avuga ko ari gukorana kandi indirimbo na bamwe mu bahanzi bakorera mu Rwanda. Yabwiye Umuseke ko yamaze gukorana na Israel Mbonyi nawe ukora indirimbo zo kuramya no guhimbaza Imana.

Ati “ Nahisemo gukorana Na Mbonyi kubera ko dusanzwe turi inshuti kandi nkunda cyane ibihangano bye, ikindi kandi umubare mwinshi w’abantu bakunda ibihangano byanjye bakomeje kujya bansaba ko nakorana na Mbonyi.”

Kuri we ngo Mbonyi amufata nkumwe mu bakozi Imana yasize amavuta muri ikigihe kugirango akize imitima ya benshi.

Iyo ndirimbo bari gukorana ubutumwa burimo ntiyabutangaza ubu kuko ngo bakiri kuyitunganya.

Uretse Mbonyi ngo undi bari gukorana indirimbo ni umuhanzi witwa Bahati Alphonse nawe ukora indirimbo zo kuramya no guhimbaza Imana.

TANGA IGITEKEREZO KURI IYI NKURU