Donavia Walker, umukobwa wacitse amaboko yombi guhera mu ntugu afite ubushobozi bwo gukora byinshi bitandukanye  birimo kurasa kwandika ndetse n’ibindi.

Donavia Walker wavutse atagira amaboko yombi yatunguye benshi kubera imirimo akora

Donavia Walker uvuka ahitwa Winter Haven, Florida  Amerika afite imyaka 17 yavukanye  indwara yitwa “Bilateral Amelia” ituma umwana  iyo akiri mu nda amaguru cyangwa amaboko bidakura bikaba intandaro yo gutuma avuka  adafite kimwe muri byo,yewe hari n’uvuka adafite byose.

Donavia yiga mu ishuri ryigisha amasomo ya gisirikare rya  The Junior Reserve Officers’ Training Corps (JROTC) riherereye muri Winterhaven, muri leta zunze ubumwe za Amerika.


Donavia Walker yahimbwe izina rya Angel avuga ko yagahawe na nyirakuru wakundaga kumubwira ko  n’ubwo nta maboko afite ,afite amababa nk’ay’abamalaika. Nyina umubyara Tisa Jones, avuga ko atwite  Donavia abaganga batigeze bamumenyesha ko umwana we  azavuka adafite amaboko yombi.

Ngo akiva mu kinya yatunguwe no gusanga umuryango we barira bababajwe nuko havutse umwana udafite amaguru n’amaboko. Donavia Walker ati ”Nkiva mu kinya narakangutse maze mbona abantu bongorerana mu cyumba narindimo,niko kubaza mama nti mama ni iki cyabaye ku mwana wanjye? Ubundi bose ndabareba mbona bari kurira, mama ahita ambwira ati  ameze neza nta kibazo,icyo ukeneye ni ukubyakira ukaruhuka,ni ko guhita mbabaza nti afite ukuboko kumwe? Bati oya nta maboko yose afite. Muri ako kanya Nacitse intege ,nk’umuntu batigeze babwira ikintu na kimwe,Ariko mpita mbabwira nti ibyo ntacyo bintwaye mumpe umwana wanjye dutahe.”

Donavia Walker wavutse atagira amaboko yombi yatunguye benshi kubera imirimo akora

Kuva mu buto  bwe Donavia Walker,  yize gukoresha ibirenge bye buri kimwe cyose yari gukoresha amaboko iyo aza kuba ayafite.

Donavia Walker ubu ufite imyaka 17, mu biganiro bye  yishimira uko abayeho. Ati ”Bakundaga kumbwira ngo ibi ni twe twabikora kuko bikoreshwa amaboko ariko njye nkababwira nti nshobora gukoresha ibirenge byanjye.Nta munsi nigeze mpa agaciro amagambo anca intege,abantu ntibiyumvishaga uburyo nakora ibintu byinshi nk’uko mbikora. Nshobora kurya nkoresheje ibirenge byanjye,nkandika nkoresheje ibirenge byanjye, noza amenyo nkoresheje ibirenge nkanatwara imodoka na bwo nkoresheje ibirenge.”

Donavia Walker agira inama abafite ubumuga butandukanye ngo ntibagakwiye kwiheba. Ati”Icyo nabwira buri wese ufite ubumuga,ni uko agomba kwikunda,ukanashaka abantu batuma umererwa neza  kuko bitoroshye kuba wowe wakwikunda ukanigirira ikizere.

REBA HANO AMAFOTO YE MU MIRIMO ITANDUKANYE:

 

Donavia Walker wavutse atagira amaboko yombi yatunguye benshi kubera imirimo akora

yavutse atagira amaboko yombi yatunguye benshi kubera imirimo akora

Yavutse atagira amaboko yombi yatunguye benshi kubera imirimo akora

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU