Uburwayi bw’ishinya (gum disease) ni imwe mu ndwara zo mu kanwa ihangayikishije u Rwanda n’isi yose muri rusange. Birakwiye ko abantu bakwiye kugira umuco mwiza wo kwita kw’isuku yo mu kanwa no gusura muganga w’amenyo (dentist) mu buryo buhoraho.

Indwara y’ishinya n’uburwayi bufata ibice bikikije iryinyo. Nubwo ifatwa nkiyoroshye, iyo itavuwe kare ishobora guteza ibibazo bikomeye mu kanwa nko gutakaza amenyo, kunuka mu kanwa, n’ibindi. Bushobora no guteza ibibazo bikomeye nk’uburwayi bw’umutima, kubyara abana badafite ibiro byuzuye n’ibindi byinshi.

Umunyamakuru wa Touchrwanda, yegereye Mahoro Patrick {Umunyeshuri wiga kuvura indwara zo mu kanwa muri College of Medicine and health sciences muri Kaminuza y’u Rwanda}, maze adusobanurira birambuye ibitera indwara y’ishinya ndetse nicyo wakora kugira ngo uyirinde.

Mahoro Patrick n’umunyeshuri wiga kuvura indwara zo mu kanwa
Mahoro Patrick n’umunyeshuri wiga kuvura indwara zo mu kanwa

Igitera uburwayi bw’ishinya:

Uburwayi bw’ishinya buterwa na microbes nyinshi cyane zisanzwe ziba mu kanwa, iyo nta suku ihagije yakozwe ngo zigabanyuke. Iyo umuntu amaze kurya ntiyoze amenyo ye hari bimwe mubyo wariye bisigara mu kanwa bigafatira ku menyo bikivanga naza microbe zisanzwe zo mu kanwa bikitwa“dental plaque”. Uko iminsi ishira utoza amenyo plaque ikomeza gukura ndetse bikanagera ku rwego umunyungugu witwa calcium uba mu macandwe winjiramo ugatuma bikomera cyane k’uburyo uburoso bw’amenyo utakibashije kubikuraho ibyo nibyo byitwa “tartar “. Tartar ziba zisa umweru, umuhondo, cyangwa umukara bitewe nibyo umuntu akunda kurya. Zikunze kugaragara munsi yishinya no hejuru yishinya. Microbe ziba ziri muri dental plaque na tartar nizo zitangira kwinjira muri bya bice bizengurutse iryinyo bikahatera inflammation/ infection.

Bigaragazwa nuko ishinya irushaho gutukura, ikabyimba, ikanavamo amaraso umuntu yoza amenyo. Ibi nibyo byitwa”gingivitis”. Iyo itavuwe hakiri kare, Abasirikare b’umubiri bagerageza kurwanya za microbe zinjiye mw’ishinya gusa hanabaho kwangirika cyane kw’ibice bigize bizengurute iryinyo harimo n’igufwa. Ibyo nibyo byitwa “periodontitis” uko igufwa rikomeza kwangirika rigasubira inyuma, amenyo akagaragara nkaho ari maremare biruseho, amenyo atangira kugenda ajegera kugeza ubwo avuyemo.

Ibitera umuntu kuba yarwara ishinya (risk factors)

Icya mbere harimo kutagira umuco wo koza amenyo. Kunywa itabi nabyo bigabanya ingano y’amacandwe akanwa gasohora. Indwara ya diabete, guhindagurika kw’imisemburo gukunze kuba ku bantu b’igitsina gore, gukoresha imiti itandukanye nabyo bigira ingaruka kw’ishinya ndetse bigabanya n’ingano y’amacandwe umubiri usohora kuko mu macandwe habamo ibinyabutabire bigabanya microbes.

Indwara y'shinya iri mu zugarije benshi
Indwara y’shinya iri mu zugarije benshi

Ubuvuzi buhabwa umuntu urwaye ishinya:

Iyo ugiye kwa muganga w’amenyo, muganga arakuganiriza akanagusuzuma kugira ngo amenye ikigutera kurwara ishinya. Muganga iyo maze gusobanukirwa ikigutera ubwo burwayi akugira inama yicyo wakora kugira ngo ubashe gukira neza kandi wirinde kongera kurwara iyo ndwara. Anakogereza amenyo neza akoresheje ibikoresho byabugenewe, ibyo bita “Scaling and Root Planning” cyangwa “Conventional Periodontal Therapy” ashobora kundikira n’imiti wakoresha iyo biri ngombwa.

Inama zigirwa buri muntu wese:

Indwaray’ishinya ni indwara ivurwa igakira ariko kugira ngo byose bigende neza bisaba ko umuntu ariwe ubugiramo uruhare runini yita kw’isuku ye yo mu kanwa. Koza amenyo byibura kabiri ku munsi mu gitondo nyuma y’ifunguro na n’ijoro hashize iminota 30 umaze  gufata ifunguro ry’umugoroba, hanyuma. warangiza ukanacisha akadodo kabugenewe(dental floss)hagati y’amenyo.

Ni byiza kugira umuco wo kujya kwisuzumisha no kogesha kwa muganga w’amenyo byubuze kabiri mu mwaka. Ku bantu banywa itabi, buri mezi atatu bakwiye kogesha amenyo. Abarwayi ba diabete bo bakwiye kwita cyane biruseho kw’isuku yo mu kanwa kuko bakunze kurwara izo ndwara z’ishinya, ni byiza ko bajya bakunda gusura muganga w’amenyo.

TANGA IGITEKEREZO KURI IYI NKURU