Umukinnyi wa filime akaba n’Umu-DJ ukomoka muri Ghana, Idris Elba’ yavuze ku bihe byiza yagiriye muri Pariki y’Ibirunga n’uburyo yatunguwe no kubona abanyarwanda bariyubatse nyuma Jenoside yakorewe Abatutsi mu 1994.

Idris Elba umugabo wa mbere ukurura abagore ku isi yavuze ku bihe bidasanzwe yagiriye mu Rwanda

Idrissa Akuna Elba ni Umwongereza ufite inkomoka muri Ghana. Yabaye icyamamare mu bice bitandukanye by’ubuhanzi nko muri sinema aho yakinnye filime zirimo The Wire, Luther, The Office n’izindi. Ni umuririmbyi, atunganya indirimbo akanavanga imiziki ndetse ni n’umushyushyarugamba ukomeye, MC.


Ni we wacuranze mu bukwe bw’igikomangoma cy’u Bwongereza Harry n’umugore we Meghan bashyingiranywe muri Gicurasi 2018. Biteganyijwe ko azanacuranga mu iserukiramuco rya Coachella rizaba muri Mata muri leta ya California.

Uyu mugabo w’imyaka 46, apima metero 1,89 akaba aherutse gushyirwa mu kinyamakuru cyitwa People Magazine nk’umugabo ukurura abagore kurusha abandi ku Isi.

Yatumiwe mu kiganiro cy’umunyarwenya Ellen DeGeneres abazwa ku bibazo bitandukanye bimwerekeyeho.

Akimara gusuhuza abari bakurikiye icyo kiganiro, yihutiye kuvuga uburyo yasuye u Rwanda, akishimira kureba ingagi zo mu birunga zirahirwa n’abakerarugendo bo ku Isi hose.

Idris Elba umugabo wa mbere ukurura abagore ku isi yavuze ku bihe bidasanzwe yagiriye mu Rwanda

Ati “Nagiye mu Rwanda, nakoze nk’ibyo wakoze. Nagiye mu ishyamba mbona ingagi, nahagiriye ibihe bidasanzwe mu buzima bwanjye.”

Idris Elba yaje mu Rwanda mu 2004 mu bikorwa byo gukina filime, yavuze ko yatunguwe no gusanga abanyarwanda bakomeye nyuma y’imyaka 10 gusa Jenoside yakorewe Abatutsi ibaye.

Ati “Nahakoreye filime. Hari Jenoside iteye ubwoba yahabaye, twakoze iyo filime bari kwibuka inshuro ya 10 ariko buri wese wabonaga akomeye bagira bati ‘ibi ni amateka tugomba gukomeza imbere’, ni igihugu cyiza.”

Yashimiye Ellen DeGeneres watangije umushinga wo kubaka ikigo gifasha mu bikorwa byo kubungabunga Ingagi muri Pariki y’Igihugu y’Ibirunga.

Ellen n’umukunzi we Portia bamaze gukusanya asaga miliyoni eshanu z’amadorali ya Amerika azifashishwa mu kubaka iki kigo kizaba kiri mu Karere ka Musanze.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU