Ku wa 14 Werurwe 2018 mu rukiko rw’ubucuruzi  ku Kimihurura nibwo habereye Inama Ntegurarubanza ku kibazo kiri hagati y”umuhanzi Ngabo Medard (Meddy) n’ikigo cya Kagi Rwanda Ltd byaje mu bwumvikane busesuye .

Ikibazo cyari hagati ya Meddy n’ikigo cya Kagi Rwanda Ltd cyakemutse mu bwumvikane

Bijya Gutangira kigo Kagi Rwanda Ltd  cyari cyajyanye uyu muhanzi Meddy mu rukiko rumushinja kuba ataritabiriye igitaramo yari yatumiwemo mu bubiligi mu gihe bivugwa ko hari amafaranga  yari yaramaze gufata.

Kagi Rwanda Ltd yishyuza Meddy amafaranga agera ku bihumbi $10 bari bamuhaye mbere y’uko ava muri Leta Zunze Ubumwe za Amerika aho asanzwe aba.


Icyo gihe impande zombi zasabye umwanya wo kubanza kuganira ikibazo kigakemuka mu bwumvikane, Umwanditsi w’urukiko asaba ko byakorwa byananirana urubanza rukazakomeza tariki 22 Werurwe 2019.

Mu Kiganiro n’itangazamakuru Umunyamategeko uhagarariye Meddy, Me Jean Claude Mutabazi Abayo, yavuze ko kuri uyu wa 20 Werurwe 2019 bicaranye n’uruhande rurega bagakemura ikibazo.

Ati “Byarangiye neza, ikibazo cyarakemutse, habayeho ubwumvikane.”

Yongeyeho ko ku bwe atigeze yifuza ko ikibazo cy’umukiliya we kijyanwa mu itangazamakuru anirinda kuvuga ibikubiye mu myanzuro yafashwe.

Me Salimu Nshuti wunganira Kagi Rwanda Ltd nawe yemeje ko umukiliya we yumvikanye n’uruhande rwa Meddy, igisaye ari uko basubira ku rukiko hagakorwa inyandiko mvugo izemezwa na Perezida w’Urukiko.

Ati “Iyo mwagize ikintu mwumvikana mugishyikiriza umwanditsi w’urukiko agakora inyandiko mvugo, akayiha perezida akayisinyaho igafatwa nk’icyemezo cyafashwe n’urukiko.”

Bitenganyijwe ko iyi mihango izakorwa kuri uyu wa Gatanu tariki 22 Weruwe 2019

TANGA IGITEKEREZO KURI IYI NKURU