Lalit Patidar,afite imyaka 13 atuye mu mujyi wa  Ratlam uherereye mu ntara ya Madhya Pradesh,mu gihugu cy’Ubuhinde,yavukanye ubwoya bwinshi ku mubiri ndetse ubu byafashe uburangwa bwe bwose.

Lalit Patidar akomeje gutungura benshi kubera uburyo yavutse afite ubwoya mu maso

Iyi  ndwara yitwa Hyoertrichosis hari n’abayita Werewolf, ikaba ituma ubwoya bukura cyane mu maso ku maboko ndetse n’ibindi bice by’umubiri ugasa n’inyamaswa.Lalit yiga mu mwaka wa 8 w’amashuri abanza avuga ko  kuba afite ubwoya bupfutse isura ye ngo yabyakiriye n’ubwo bimutandukanya n’abandi. Ababyeyi ba Lalit Patidar bavuga ko akivuka yari afite uwboya bwinshi,ibintu byatumye abaganga bari mu cyumba yavukiyemo bagira ubwoba.


Ababyeyi be baganira n’itangazamakuru bemeje ko kubyakira bitari byoroshye. ”Abaganga bakimubona barikanze cyane,bahita bahamagara muganga ubakuriye ngo nawe aze arebe ibidasanzwe,muganga ubakuriye akibibona yahise avuga ati ntacyo gutinya gihari,umwana ameze neza.”

Akomeza agira ati “Muganga nta na kimwe yigeze akora,ahubwo yahise amwogosha umubiri wose,ubwoya bwe ntabwo bukura cyangwa ngo bugabanuke.Tubwira buri wese ko ari ikibazo cyabaye mu kuvuka.”

Lalit Patidar akomeje gutungura benshi kubera uburyo yavutse afite ubwoya mu maso

Umwarimu wigishije Lalit Patidar kuva afite imyaka 7 avuga ko ari umuhanga gusa ngo  akimubona yahamagaje se ngo amusobanuze neza. “nigishije Lalit kuva afite imyaka 7 ,nkimubona nahamagaje papa we ngo ansobanurire byinshi kuri buriya bwoya,kuri we yambwiye ko ntacyo batakoze ndetse nta naho batamuvuje gusa ngo ntibyigeze bigira icyo bitanga.Uko bimeze uku icyo bakora ni ukubwogosha gusa burongera bukagaruka,Lalit ni umunyeshuri  ufata vuba akaba intangarugero.”

Lalit Patidar avuga ko yifuza ko ubu bwoya bwagenda kuko ngo buramubangamira cyane cyane iyo ari kurya. Ati ”Nifuza ko ubu bwoya bwagenda,ubundi nkakura ntabwo mfite,ntabwo nshaka pe.Ubu bwoya bujya mu jisho bukantokoza,iyo ndi kurya bujya mu kanwa,rimwe na rimwe  guhumeka biranangora kubera ko bupfutse hose. Iyo amatwi yanjye yagize ikibazo binansaba gukoresha imiti ya bugenewe kugira ngo numve neza kuko naho bujyamo.Gukoresha iyo miti ubwabyo na byo ntibyoroshye.”

Lalit Patidar akomeje gutungura benshi kubera uburyo yavutse afite ubwoya mu maso

Dilip inshuti ya Lalit Patidar banigana avuga ko akimubona yagize ubwoba gusa ngo sogokuru we akamubwira ko ntacyo gutinya  ko ari umwana nk’abandi.Ati ”Ndi isnhuti ya Lalit,bwa mbere mpura nawe nagize ubwoba gusa sogokuru wanjye ambwira ko ntakwiye gutinya ko Lalit ameze nk’abandi bana. Kuva icyo gihe sinongeye kumugirira ubwoba,twahise tuba inshuti,iyo turi kugendana abandi bana bakunda kumusesereza bamwita inkende,hari n’igihe bamutera amabuye.”

Lalit Patidar utishimira uko yavutse avuga ko iyo ataza kugira ubu bwoya ngo yari kuba amerewe neza kurusha ubu. Ati ”Iyo nza kuba ntafite ubu bwoya nari kumva merewe neza kurusha ubu,wenda nta muntu wari kumputaza anziza uko navutse,mwarimu wacu akunda kutubwira ngo ntitukishime ku bandi.” N’ubwo ababyeyi be bavuga ko abaganga bababwiye ko ubu bwoya bushobora gushira nagera mu myaka 15 na 16, Lalit avuga ko nagera mu myaka 20 azabwogosha akamera nk’abandi bantu.

Umusore akomeje gutungura benshi kubera uburyo yavutse afite ubwoya mu maso

Lalit Patidar ngo nakura azajya mu gipolisi kuko yifuza kuzajya afata abajura ndetse n’abanyabayha,si ibyo gusa kuko ngo  ashaka kuzabona amafaranga nk’umupolisi w’intangarugero, ubundi ngo akitura ababyeyi be bamurwanirira ishyaka buri munsi.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU