Musoni Jackson, umunyarwanda umwe wapfiriye mu mpanuka y’indege ya Ethiopian Airlines yari inshuti ikomeye ya Meddy washenguwe n’urupfu rwe.

Musoni Jackson waguye mu ndege ya Ethiopian Airlines yari inshuti ikomeye ya Meddy washenguwe n’urupfu rwe

Iyi mpanuka yabaye saa 8:44 z’igitondo ku isaha ya Addis Ababa, kuri iki Cyumweru tariki ya 10 Werurwe 2019. Yari yerekeje mu Mujyi wa Nairobi itwaye abantu 157 ubariyemo n’abakozi bayo; aba bose bapfuye.

Abantu baguye muri iyi mpanuka baturuka mu bihugu birenga 30 ku migabane yose y’Isi, harimo Umunyarwanda umwe Musoni Jackson wari mu rugendo rw’akazi.

Musoni Jackson wari uzwi ku kazina ka Idi yari inshuti ikomeye ya Meddy ndetse uyu muhanzi yanditse ko yakuze amufatiraho urugero.

Yagize ati “Jackson (Idi) wari urenze kwitwa umugabo, wari urenze kwitwa umuvandimwe. Umutima wanjye urababaye aka kanya. Ubu sinumva ukuntu nyoko amerewe muri aka kanya, sinapima ububabare Sharon [mushiki we] afite, abana bawe, umugore wawe, abavandimwe bawe.”


Meddy akomeza agira ati “Ubwo twari bato twagufatiragaho urugero. Uyu munsi nibutse ubuzima twabanyemo nk’umuryango kuva mu bwana kugeza tubaye abagabo. Ntabwo tuzakwibagirwa Jack!”

Jackson Musoni yaguye mu ndege ya Boeing 737 yavaga Addis Ababa muri Ethiopia ijya i Nairobi muri Kenya. Umuvandimwe we Brian Kabanda yemeje ko yari yerekeje i Nairobi mu ihuriro rigiye kuhabera kuva kuri uyu wa Mbere tariki ya 11 Werurwe.

Musoni yari umwe mu bagenzi bane bari bafite pasiporo bahawe na Loni bari muri iyi ndege. Ubusanzwe yabaga muri Sudani y’Epfo aho yakoraga mu Muryango w’Abibumbye mu Ishami ryita ku Mpunzi HCR.

Musoni Jackson yari inshuti ikomeye ya MeddyMusoni asize umugore n’abana babiri.
Musoni Jackson yari inshuti ikomeye ya MeddyMusoni asize umugore n’abana babiri.

Mbere yo kujya kuba muri Sudani, Musoni Jackson yabanje gukorera Minisiteri y’Ububanyi n’Amahanga mu Rwanda. Asize umugore n’abana babiri.

Musoni Jackson yakoraga mu Ishami ryita ku Mpunzi, HCR muri Sudani y'Epfo
Musoni Jackson yakoraga mu Ishami ryita ku Mpunzi, HCR muri Sudani y’Epfo
Iyi ndege yaguye hashize iminota itandatu ihagurutse i Addis Ababa
Iyi ndege yaguye hashize iminota itandatu ihagurutse i Addis Ababa

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU