Umuraperi Ngenzi Serge wamamaye cyane muri muzika nka Neg G The General amaze ukwezi ajyanywe kugororerwa Iwawa nyuma yo gufatirwa ku Kimisagara azira ibiyobyabwenge.

Neg G The General nawe yajyanywe Iwawa asangayo Fireman

Neg G yamenyekanye cyane mu ndirimbo nka ‘Parlez’, ‘Ipikipiki’, ‘Internat’, ‘Inshinwa’, ‘Icyayi Gishyushye’, ‘Agaca’ n’izindi nyinshi. Kuri ubu akaba ari mu basaga 300 baherutse kujyanwa kugororerwa ku kirwa cya Iwawa.

Uyu muraperi ari mubakunze kuvugwaho kenshi gukoresha ibiyobyabwenge birimo urumogi na mugo ari nabyo byabaye intandaro yo kurangira kw’umuziki we.


Yagiye atabwa muri yombi inshuto nyinshi biturutse ku ikoreshwa ryabyo, ubundiakajyanwa ahazwi nko kwa Kabuga akongera akarekurwa nyamara ntabiveho.

Mu buhamya Neg G The General yahaye abanyamakuru basuye iki kirwa, yavuze ko hamaze ukwezi aka yarafatiwe iwabo ku Kimisagara abanza kujyanwa i Gikondo ahazwi nko kwa Kabuga nyuma abona kujyanwa Iwawa.

Yashimangiye ko yanywaga urumogi n’ikiyobyabwenge kizwi nka ’Mugo’ ndetse ngo iyo abaze asanga ashobora kuba yaratakarijemo amafaranga arenga miliyoni 15 Frw bitewe n’uburyo bihenda.

Uyu muraperi yajyanwe Iwawa ahasanga abandi barimo umuraperi mugenzi we Fireman uhamaze igihe ndetse unageze kure amasomo y’imyuga bahigishirizwa.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU