Kuri uyu wa Gatandatu nibwo kuri  Car Wash ahazwi nko ku Kinamba habaye igikorwa cyo koza imodoka hagamijwe gukusanya inkunga yo gufasha umukinnyi wa filime D’ Amour.

ShaddyBoo yafatanyije n’inshuti ze mu gikorwa cyo koza imodoka hagamijwe gufasha D’ Amour

Iki gikorwa byari biteganyijwe ko gitangira saa 10:00 z’amanywa gusa kubw’amahirwe macye cyatangiye mu masaha y’igica munsi kubera ko ShaddyBoo yatanginze kuhagera kubera impamvu ze bwite.

Mu gikorwa cyakozwe na Shaddy Boo cyo kumushakira ubufasha bwiyongera ku bundi bugenda bukusanywa mu buryo butandukanye, uyu munyabirori uri mu bagore batigisa ’internet’ mu Rwanda, yogeje imodoka zirenga eshanu.

ShaddyBoo yafatanyije n’inshuti ze mu gikorwa cyo koza imodoka hagamijwe gufasha D’ Amour

Ni igikorwa cyakurikiwe cyane n’itangazamakuru, uyu mukobwa yabikoraga anyuzamo akanakata umuziki, akuba amapine n’ibiroso, imbere ahari za moteri akagerayo, ubundi akazitera amazi menshi cyane nk’uko bikorwa mu kinamba.

Yari ashagawe cyane n’abarimo abanamba basanzwe bahakorera n’abandi bantu batandukanye bafataga amashusho ye n’amafoto ubwo yozaga imodoka.

ShaddyBoo yafatanyije n’inshuti ze mu gikorwa cyo koza imodoka hagamijwe gufasha D’ Amour

Uyu mukobwa yatunguranye ubwo yahingukaga ahabereye iki gikorwa cyane ko yari yitwaje icupa ry’inzoga, yambaye imyenda yo gusohokana. Gusa nanone ntiyigeze yitinya, uko yaje niko yaserutse yoza imodoka yambaye uko; gusa nyuma baza kumugoboka bamuha igisarubeti cyo kwambara inyuma. Byari igikorwa ubona kirimo no kwidagadura aho bozaga imodoka bari kwibyinira.

Yatangaje ko iki gikorwa cyakozwe mu buryo bwo gushakira inkunga D’Amour ariko bikajyana no kurushaho kumenyekanisha uburwayi bwe kugira ngo afashwe. Yavuze ko byagenze neza muri rusange.

ShaddyBoo yafatanyije n’inshuti ze mu gikorwa cyo koza imodoka hagamijwe gufasha D’ Amour

Mu kiganiro n’itangazamakuru yavuze ko iki ari igikorwa cy’urukundo cyo gufasha D’ Amour ndetse ko bitarangiriye aha ibikorwa bizakomeza.

Yagize ati “Akeneye ubufasha, ni ibintu bihoraho, nzashima ari uko numva ngo yagiye kwivuza ariko bitaraba nzakomeza kumutabariza. Mufasha uko mbishoboye naba mfite 500 Frw nyashyiraho cyangwa andi yose ariko ubufasha bukomeye ni ukumenyesha n’abandi bose twese tukamufasha.”

ShaddyBoo yafatanyije n’inshuti ze mu gikorwa cyo koza imodoka hagamijwe gufasha D’ Amour

D’Amour Selemani uri gutabarizwa yafashwe muri Nyakanga 2018, impyiko ze zose zarangiritse burundu, baramubaze bamushyiramo icyuma kimufasha kuyungurura amaraso hakoreshejwe uburyo bwo hanze y’umubiri, ibizwi nka Dialyse.

ShaddyBoo yafatanyije n’inshuti ze mu gikorwa cyo koza imodoka hagamijwe gufasha D’ Amour

Abakinnyi ba filime bafatanyije na MTN bashyizeho uburyo bwo gukusanya inkunga yo gufasha D’ Amour haherewe ku mafaranga 100 kuzamura. Ukoresheje telefone ngendanwa ukanda 18281200400# ubundi ugakurikiza amabwiriza.

TANGA IGITEKEREZO KURI IYI NKURU