Josephine Ugwu, Umugore ukomoka muri Nigeria ukora akazi ko gukora isuku ku kibuga cy’indege yashimiwe bikomeye, yahawe akayabo ka miliyoni imwe n’ibihumbi 600 by’ama Naira akoreshwa muri iki gihugu, nyuma yo gutoragura igikapu cyuzuye amamiliyoni ataravuzwe umubare yarangiza akayasubiza ba nyirayo.

Umugore ukora akazi ko gukora isuku ku kibuga cy’indege watoraguye amamiliyoni akayasubiza yashimiwe bikomeye

Josephine Ugwu ukora ku kibuga cy’indege cya Murtala Muhammad Airport,yabaye icyamamare mu gihugu cya Nigeria cyose kubera gutora igikapu cyuzuye akayabo ka miliyoni 12 z’ama Naira ni ukuvuga asaga miliyoni 25 z’amafaranga y’u Rwanda.

Uyu mugore yatoraguye iki gikapu mu bwiherero ahantu hataba za kamera arangije yose adakuyemo na rimwe ayasubiza nyirayo bituma benshi ku mbuga nkoranyambaga bacika ururondogoro.


Josephine Ugwu yavuze ko atari ubwa mbere yari atoraguye akayabo k’amamiliyoni akayasubiza ba nyirayo ko ahubwo ari inshuro ya 4 abikoze aho yemeje ko yigeze gutora miliyoni zirindwi inshuro ya mbere n’umunani ku ya kabiri nazo akazisubiza ba nyirazo.

Uyu mugore ukora akazi ko gukora isuku ku kibuga cy’indege yavuze ko ntacyo yicuza kuba atarajyanye aka kayabo ngo akire ave muri aka kazi ken go ahubwo yifuza kubera ambasaderi mwiza igihugu cye cya Nigeria ndetse n’Imana.

Ubu bunyangamugabo Josephine yagize bwakoze benshi ku mutima bituma amwe mu madini,abakire,abikorera batandukanye bihuriza hamwe bamuteranyiriza amafaranga agera kuri miliyoni imwe n’ibihumbi 600 by’ama Naira byo kumushimira ko ari inyangamugayo.

Josephine Ugwu yahawe imidali n’impamyabumenyi kubera ubunyangamugayo
Josephine Ugwu yashimiwe bikomeye yahawe imidali n’impamyabumenyi kubera ubunyangamugayo

Uretse guhabwa aya mafaranga, ibigo bitandukanye n’amadini bahaye Josephine imidali ndetse impamyabumenyi z’ubunyangamugayo Josephine Ugwu kubera iki gikorwa cy’indashyikirwa.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

TANGA IGITEKEREZO KURI IYI NKURU