Umuraperi wigaragaje muri Hip Hop yabaga yiganjemo kuririmba mu Cyongereza, Young Tone afite inkuru itangaje urebye inzira yaciyemo kuva i Chicago kugera aho ari kugororerwa ku Kirwa cya Iwawa.

Umuraperi Young Tone yavuze ubuzima yabayemo muri Amerika kugeza aho ari kugororerwa Iwawa

Ubusanzwe yitwa Dushime Antoine, ni umuraperi wahoze mu itsinda rya Young Dream, yanabaye muri Stone Church yarimo Bull Dogg, Fireman, Nick Breezy na Green P.

Yamenyekanye cyane mu ndirimbo ‘Amahoro’ ya Gaby Kamanzi, ni we uririmbamo amagambo y’Icyongereza.

Mbere yo gufatwa akajya kugororerwa ku Kirwa cya Iwawa, Young Tone yari atuye ku Kimironko.


Yabwiye ikinyamakuru Isimbi.rw ko yageze muri Amerika mu 1990, yari kumwe n’umuryango we wose, akihagera yanze kubana na wo ahita ajya kuba muri Ghetto ari naho yayobotse ibiyobyabwenge.

Ati “Nahageze mu 1990, nahise ncika umuryango wanjye, nahise ntangira gushaka kuba muri ubwo buzima bwiza. Nagize inshuti mbi, naraziganye nkora nk’ibyo zakoraga ariko niyibagiza ko ntari umuturage wa Amerika. Byarangiye nabi.”

Young Tone yabaga mu Mujyi wa Chicago, Illinois aho yatangiriye kunywa ibiyobyabwenge no kubicuruza. Icyo gihe ngo ibyo yanywaga byari byoroheje gusa amaze kwirukanwa ageze mu Rwanda nibwo yanyoye ikizwi nka ‘Mugo’.

Yagize ati “Natangiye gukoresha heroin[mugo] mu 2014, nari nsanzwe nyizi ariko ntarayikoreshaho. Nabitangiye ari nk’imikino ariko biza kurangira byangize imbata, birangira banzanye hano.”

Yavuze ko yafashe umwanzuro wo gucuruza ibiyobyabwenge akigera muri Amerika kuko ngo “Muri Amerika kubona akazi ntabwo byari byoroshye.” Kandi yari akeneye kubaho neza no kugendana n’abakobwa basa neza.

I Chicago yahafungiwe imyaka itanu nyuma baramurekura, ageze ku muhanda asubukura akazi ko gucuruza ibiyobyabwenge, bamufashe nibwo bahise bamwuriza indege imugarura mu Rwanda.

Yagize ati “Nari nakoze ibyaha, byabaye ngombwa ko banyohereza mu Rwanda nkamara imyaka icumi nkazabona gusubirayo. Icyo gihe twari turi kugurisha ibiyobyabwenge nka cocaine na heroin, nari ntarabona ubwenegihugu, byabaye ngombwa ko banyirukana.”

Mu gusobanura uko yakoraga aka kazi, Young Tone agira ati “Icyo nakoraga kwari ugutwara ibiyobyabwenge, natwaraga umuzigo nkawugeza aho bambwiye bakampa amafaranga nkagenda, ntabwo nabinywaga.”

Mu 2001 yahise atangira gutunga imbunda, muri icyo gihe yari amaze kuba umusore w’ibigango. We n’itsinda rye babagaho ubuzima nk’ubwa mafia, ubwe ngo yanatunze imbunda.

Ati “Natunze imbunda nto, nari nkiri umwana. Ntabwo navuga ko byari ukuyitunga bisanzwe, kwari ukwirinda muri ako kazi, hari abantu benshi baba bagushaka kubera ako kazi twabaga dukora.”

Yongeraho ati “Mu tubyiniro hari igihe igikundi kimwe cyakuragamo imbunda kigashaka kurasana n’abandi bantu. Ni ibintu byabagaho cyane…”

Ngo kwinjira mu icuruzwa ry’ibiyobyabwenge no gutunga imbunda, “Kubijyamo kwari ukugira ngo nibonere iyo modoka nziza, abakobwa beza[…] Nari mfite abantu benshi tugendana, nari mfite na boss nyine unyobora, ako kazi umuntu agakora afite abamuyobora kandi bamuhemba.”

Umuraperi Young Tone yavuze ubuzima yabayemo muri Amerika kugeza aho ari kugororerwa Iwawa

Young Tone yari amaze imyaka icumi mu Rwanda, yahageze ari umusore w’inginga, yari afite ibizigira bihambaye, ibishushanyo byinshi ku mubiri, yambaraga bigezweho gusa, ariko ubu arasa n’umusaza.

Yemeza ko yahinduwe n’uruvange rw’ibiyobyabwenge yafashe mu bihe bitandukanye. Ati “Iyo uvuye ku biyobyabwenge bisaba ngo utangire wiyubake. Ikigo cya Iwawa rero kirabikora, urabibona nka Fireman yarahindutse, uko yari ameze akibinywa ntabwo ari gutya ameze.”

Umuraperi Young Tone yavuze ubuzima yabayemo muri Amerika kugeza aho ari kugororerwa Iwawa

Nyina wa Young Tone ni pasiteri aho aba muri Amerika, umuryango w’uyu muhanzi wose niho uba ndetse na we yajyanywe i Iwawa amaze igihe atangiye kwisuganya ngo azasubire gusaba ibyangombya bimusubiza muri Amerika.

IYUMVIRE UBURYO BUTANGAJE BAMWE BASUBIZAMO IBIBAZO BY’UBUSA BUSA-Ntiwibagirwe GUKORA SUBSCRIBE:

IGITEKEREZO 1

TANGA IGITEKEREZO KURI IYI NKURU