Ikipe ya FC Barcelona yo muri Espagne ibifashijwemo na Lionel Messi Kapiteni wayo, yatsinze Levante igitego 1-0 ihita yegukana igikombe cya 26 cya shampiyona La Liga mu mateka yayo.

FC Barcelona yegukanye igikombe cya 26 cya shampiyona La Liga

Ni igikombe FC Barcelona yegukanye mu gihe shampiyona ya Espagne ikibura imikino itatu yose. Mu mukino iyi kipe yari yakiriyemo Levante ku kibuga cyayo Camp Nou mu ijoro ryakeye, yasabwaga kuwutsinda ikitwarira igikombe ititaye kuri Atletico Madrid bari bahanganiye igikombe.

Igitego rukumbi cyatsinzwe na Lionel Messi ku munota wa 62 w’umukino ni cyo cyahesheje Barcelona y’umutoza Ernesto Valverde kwegukana La liga ku ncuro ya 26.

Ni nyuma yo kwinjira mu kibuga ku munota wa 46 asimbuye Philippe Coutinho. Iki gitego Messi yatsinze cyatumye aca agahigo ko kuba umukinnyi rukumbi wa FC Barcelona umaze gutwarana nay o ibikombe 10 bya shampiyona.

Ni nyuma yo kugera mu kipe nkuru mu mwaka w’imikino wa 2004/2005. Ni igikombe kandi cya munani FC Barcelona yegukanye mu myaka 11 ishize. Mu myaka 29 ishize ho, FC Barcelona yegukanye ibikombe 16 bya shampiyona.

Magingo aya Fc Barcelona irushwa ibikombe n’ikipe ya Real Madrid kugeza ubu ifite 33 ikaba iyirusha ibikombe 7 byose.

FC Barcelona yegukanye igikombe cya 26 cya shampiyona La Liga

FC Barcelona yegukanye igikombe cya 26 cya shampiyona La Liga

FC Barcelona yegukanye igikombe cya 26 cya shampiyona

TANGA IGITEKEREZO KURI IYI NKURU