Hope ni umwana wari ufite imyaka 2 igihe yatoragurwaga n’umugiraneza w’umuzungu kazi. Urebye ifoto y’uyu mwana icyogihe ubonako ari umwana wari uteye agahinda cyane kuburyo ubuzima bwe bwari hafi n’urupfu.

Uyu mwana watoraguwe afite imyaka ibiri, bivugwako yari yaratawe n’ababyeyi be bamwita umurozi wateraga umwaku mu murango wabo, ababyeyi be baramujugunye umwana akajya arara aho bajugunya imyanda ndetse akaba ariho anirirwa, abana bagenzi be birirwaga bamushungereye ndetse abahisi n’abagenzi ntawagiraga icyo amumarira.

Uyu mwana wo mugihugu cya Nigeria, yaje kugira amahirwe aho yari yicaye hanyura umuzungukazi w’umukerarugendo, uyu muzungukazi yabonye uyu mwana agira impuhwe cyane ikintu yakoze yahise amuha amazi, maze yiyemeza gufasha uyu mwana guhera ubwo.

Anja Ringgren Loven umuzungukazi ukomoka muri Denmark yakozwe ku mutima n’ubuzima bw’uyu mwana maze yifuza kumurokora, yahise yihutira kumujyana kwa muganga ahabwa ubutabazi bw’ibanze, umwana amaze gusa naho agaruka mu mubuzima yamujyanye mugihugu cy’iwabo aba ariho bajya kubana.

Kuri ubu uyu mwana Hope amaze kuzuza imyaka 5 y’amavuko, ariga ameze neza ndetse ugereranyije amafoto ye yambere agitoragurwa n’ay’uyu munsi uhita ubonako, Imana yakoze ibitangaza kubuzima bw’uyu mwana.

REBA AMAFOTO AGARAGAZA HOPE:

TANGA IGITEKEREZO KURI IYI NKURU