Papy Faty wahoze akinira APR FC, ubu wakinaga muri Swaziland yitabye Imana aguye mu kibuga azize indwara y’umutima ya mufatiye mu kibuga.

yitabye Imana

Nyuma yo gupimwa n’abaganga bakabona ko umukinnyi Papy Faty wakinaga muri Swaziland afite uburwayi bw’umutima, bamusabye guhagarika gukina umupira w’amaguru kubera imbogamizi zashoboraga gutuma iyo ndrwara ikomera.

Inkuru y'akababaro: Papy wakiniye APR FC yitabye Imana

    Amwe mu mateka y’umukinnyi Papy Faty muri APR FC (yitabye Imana)

Umukinnyi Papy Faty yaje mu ikipe ya APR FC muri 2011 avuye mu kipe yo muri Turkiya yara amazemo imyaka isaga 3.

Mu mikino y’amakipe yabaye aya mbere iwayo muri Afurika mu 2012, uyu mukinnyi Papy Faty yanditse amateka ubwo yatsindiraga ikipe APR FC igitego rukumbi cyasezereye ikipe ya Tusker yo muri (Kenya).

Muri 1/16 Umukinnyi Papy Faty wakinaga hagati yaje gutsinda igitego cya 2 ku mukino APR FC yasezerewe itsinzwe na Etoile sportive du Sahel ibitego 3-2, muri uyu mukino Ku munota wa 90 Faty yaje kubona ikarita y’umutuku kubera ishyaka n’umuhati yarifite.

Tubibutse ko mu gikombe cy’Amahoro cya 2012,  umukinnyi Papy Faty ariwe wabaye umukinnyi mwiza w’irushanwa ndetse atsinda ibitego byinshi. Papy Faty yakiniraga ikipe y’igihugu y’u Burundi.

Inkuru y'akababaro: Papy wakiniye APR FC yitabye Imana

Mu 2011 mu mikino yo gushaka itike y’igikombe cy’Afurika, ubwo ikipe y’igihugu y’u Rwanda yakinaga ni y’u Burundi, Umukinnyi Faty yatsinze igitego cya 3 cy’intsinzi ya 3-1.

Ubwo APR FC yajyaga muri CECAFA Kagame cup yaberaga muri Tanzania Papy Faty nibwo yatangiye gutekerezwa no kurambagizwa n’amakipe yo hanze, bituma ajya gukora igeragezwa mu gihugu cy’Afurika y’epfo. Faty Papy yavuye muri  APR FC muri Nyakanga mu 2012.

IGITEKEREZO 1

TANGA IGITEKEREZO KURI IYI NKURU