Perezida Xi Junping w’Ubushinwa arakangurira ibindi bihugu byo ku isi kugoboka igihugu abereye umuyobozi nk’inzira irambye  igana mu iterambere ndetse no guteza imbere ibikorwaremezo binyuze mu kiswe “Ceinture et route” mu rwego rwo kubaka iterambere rirambye.

Perezida Xi Jinping atangaza ko Banki nyaziya igamije gushora mu bikorwaremezo BAII (Banque Asiatique d’Investissement en Infrastrures), ni we wayishinze mu 2015, muri gahunda ndende ya “ceinture et route”.

Iby’iyi banki ni imwe mu ngingo igarukwaho mu nama mpuzamahanga ya kabiri iganira ku bikorwaremezo, aho perezida Jinping avuga ko nta gihugu gihejwe mu mugambi we “Ceinture et route”.

Nk’uko bisobanurwa n’Umunyamakuru Wang Botao, wa televiziyo CGTN ishami ry’igifaransa, Wang Botao, avuga ko Perezida Xi Jinping yagize ati “Amarembo twayafunguye ubutazongera kuyafunga, ndahamagarira ibihugu byose by’isi kuza kutwigiraho inzira y’iterambere. Ibigo by’imari byaba ibisanzwe n’ibishya nka BAII nabyo bihamagariwe kuza mu mujyo umwe mu kubaka imishinga ya “ceinture et route”.

Uyu munyamakuru akomeza avuga ko mu mwaka wa 2018, iyi Banki yari imaze kugira abanyamuryango basaga 93. Intego nyamukuru ya BAII ni uguhuza imari ku mugabane wa Aziya, ni nayo mpamvu 60% by’abanyamuryango bayo ari ibihugu byifatanije na Jinping mu mugambi mugari “ceinture et route”.

By’umwihariko avuga ko muri iyi myaka itatu gusa, BAII imaze gutangiza imishinga 28 mu bihugu 13. Iyi mishinga ikaba yarashowemo akayabo ka miliyari zirenga eshanu z’amadolari. Mu mishinga iyi Banki yashoyemo, higanjemo iy’ubwikorezi, itumanaho, ingufu no gutunganya imijyi.

Botao avuga ko amabanki yo mu Bushinwa kandi nayo ntiyicaye, yicara agaba amashami mu bindi bihugu, ari nako yifatanya n’andi yo hanze z’ubushinwa, ko hari amashami 102 ya Banki zo mu Bushinwa yagabwe mu bihugu bisaga 24 ku isi. Ubu kandi hari amabanki asaga 165 yakira ifaranga ry’Ubushinwa, Iyuwani, mu bihugu birenga 40.

Avuga kandi ko atari ngombwa cash kandi, Ubushinwa bwashyizweho ikarita ngendanwa itanga amafaranga biciye mu ikoranabuhanga. Aya benshi bita Visa Card, ATM n’andi; mu bushinwa hari “Union pay”. Iyi karita ikoreshwa mu bihugu bigera kuri 50 byameje umugambi “ceinture et route”. Iyi karita ushobora kuyihahisha mu maduka arenga miliyoni eshanu ku isi; kandi hari n’ibyuma 68.000 bitanga amafaranga hakoreshejwe iyi karita.

Muri iyi gahunda ngo niho hubatswe umuhora w’ubukungu uhuza Ubushinwa na Pakistan, ndetse n’uhuza ibihugu bine, aribyo Ubushinwa, Ubuhinde, Bangladesh na Myanmar.

Ubushinwa kandi bwashyizeho ikigega kigamije inzira y’ubuhahirane (Fonds de la route de la soie), aho bwatanze miliyari 40 z’amadolari.

Mu myaka itandatu hagiyeho “initiative ceinture et route”, Ubushinwa bwaguye amarembo y’ubucuruzi mu turere dushya 75, bushoramo amadolari arenga miliyari 80. Ibigo by’abashinwa byahawe amasezerano yo gukora imirimo yavuyemo amadolari agera kuri miliyari 500; yanatanze akazi ku basaga ibihumbi 244.

Ubufatanye bwakoze kandi ku mushinga wo kubaka umuhanda wa gari ya moshi mu buhinde, aho Banki nyaburayi itsura ishoramari (Banque Europeenne d’Investissement) yatanze miliyoni 335 z’amadolari.Botao avuga ko byageze mu mwaka wa 2017, Ubushinwa bwongeyemo amayuwani asaga miliari indwi. Iki kigega kimaze gukora imishinga 19 imaze gutwara miliyari 80 z’amadolari ya Amerika.

TANGA IGITEKEREZO KURI IYI NKURU