Umukobwa witwa Sydney Paige Monfries yahanutse ku gasongero k’inyubako ndende cyane ya kaminuza ya Fordham University ubwo yahuriraga agiye kwifatira selfie aho umujyi wa New York ugaragara neza.

Uyu mukobwa ukomoka ahitwa Portland muri Oregon wagombaga kurangiza kaminuza mu kwezi gutaha,yahanutse kuri iyi nyubako ubwo yashakaga kwifata selfie umujyi wa new York ugaragara neza mu ifoto.

Abapolisi ba New York batangaje ko Sydney yangiritse bikomeye ubwo yahanukaga kuri iyi nyubako ku Cyumweru gishize,saa cyenda z’amanywa.

Ubwo Polisi yageraga aho uyu mukobwa yahanukiye,yasanze yashenjaguritse,niko kumujyana igitraganya ku bitaro bya St Barnabas,yaje gupfiramo nyuma.

Umunyeshuli wiganaga na Sydney,bahuye mbere y’uko ahanuka kuri uyu munara w’iyi nyubako ndende yavuze ko ngo yamubwiye ko ashaka gufata agafoto keza mbere yo gusoza amashuli.

Yagize ati “yavuze ko yifuza kujya kwifatira ifoto ku munara ndetse akanishimisha mbere y’uko arangiza amasomo.”

TANGA IGITEKEREZO KURI IYI NKURU