Itsinda rya Juda Muzik ryashyize hanze indirimbo yabo nshya bise ‘Bitinde’ ije ikurikiye iyakunzwe na benshi ‘Rugende’.

Itsinda ry’abahanzi babiri aribo Da Rest ndetse na Junior bahuje imbaraga bagakora itsinda bakaryita Juda Muzik baherutse gushyira hanze indirimbo bise ‘Rugende’ igakundwa ,kuri ubu bayikurikije indirimbo nshya bise ‘Bitinde’ ikubiyemo inyigisho z’urukundo cyane cyane ikavuga ku bantu bimariramo abo bakundana bafite intego zo guhesha bagenzi babo agaciro n’icyubahiro.

Da Rest umwe mu bagize Juda Muzik ubwo yatugezaho iyi ndirimbo yabo nshya yatubwiye ko bayanditse bashaka gucyebura abantu bakoresha imitoma mu buryo budakwiye ko bajya bayikoresha mu buryo ubwo kwizeza abo bakunda ibyo bazakora.

Da Rest

Yagize ati: “Indirimbo ivuga ku muntu wimariye mu mugenzi we bakundana kandi imitoma yose abwira umukunzi we ndetse n’ibyo yizeza uwo bakundana, kubishyira mu bikorwa.”

Yakomeje yongeraho ko iyi ndirimbo uburyo bayikoze yabajemo mu buryo butunguranye niko guhita babikora ati” Igitekerezo cyo guhanga iyi ndirimbo cyaje mu 2017 ubwo twari mu myitozo y’igitaramo cya Mani Martin twagombaga kuririmbiramo i Musanze, icyo gihe twashatse akantu twaza gukora ku rubyiniro ngo dushyushye abari bitabiriye ni uko birangira twanditse iyi ndirimbo ‘Bitinde’ noneho nyuma tunabiganiraho turayikora.”

Junior

Baboneyeho kutubwira ko kuri ubu bari gukorana bya hafi na kampanyi yitwa The Champions  irimo kubafasha mu kuzamura ibikorwa byabo ndetse baboneyeho gushimira Bob Pro ubafasha mu bijyanye no kubakorera indirimbo mu buryo bw’amajwi ndetse na Rday Entertainment ibafasha kubakorera amashusho y’indirimbo zabo ndetse n’itangazamakuru ryose ryo mu Rwanda muri rusange.

UMVA INDIRIMBO YABO ‘BITINDE’:

IGITEKEREZO 1

TANGA IGITEKEREZO KURI IYI NKURU