Knowless yavuze ko nta ruswa y’igitsina yigeze yakwa gusa ngo bishoboka ko hari abahanzikazi bayakwa kugirango bakorerwe ibyo bifuza ndetse yaboneyeho kugaya abayaka ababwira ko ibyo atari ubumuntu ndetse ko bakwiye kwisubiraho.

Knowless yagize icyo avuga kuri ruswa y’igitsina ikunze kwakwa abahanzikazi bakizamuka

Umuhanzikazi Knowless Butera ni umwe mu bahanzi nyarwanda bamaze gutera intambwe igaragara byose babikesha ibikorwa by’umuziki. Mu minsi yashyize yagiranye ikiganiro n’ikinyamakuru Igihe maze bamubaza byinshi bitandukanye cyane byibanda ku muzika nk’akazi akora.

Uyu muhanzikazi yabajijwe niba ntamuntu wari wamusaba ruswa y’igitsina kugirango ahabwe ubufasha yifuza mu muziki maze asubiza ko we bitigeze bimubaho ndetse yongera kwemeza ko yumvishe abo byabayeho.

Yagize ati” Ibintu byo kuba hari abahanzikazi cyangwa se abakobwa muri rusange bashobora gucibwa intege n’ibintu babona mu muziki batangiye bikaba byabaca intege birimo na ruswa ishingiye ku gitsina nanjye narabyumvise ariko rero nta buhamya mbifitiye kuko ntibyambayeho ariko hari abandi numvise byabayeho.”

Yakomeje yongeraho ko umuntu waba inzitizi ku wundi kubera gushaka kumusambanya ntabwo ari ubumuntu kandi umuntu wese yacibwa intege nabyo gusa na none burya ikintu cya mbere gishobora gutuma ubitsinda ni ukuvuga ‘Oya’ mu gihe gikwiriye, itavuguruzwa.

Yasoje avuga ko mu bikorwa bitandukanye afite gukora muri uyu mwaka harimo no gushyira hanze Album ye y’indirimbo 10 na 12.

IGITEKEREZO 1

TANGA IGITEKEREZO KURI IYI NKURU