Imibonano mpuzabitsina ni ngomba kandi ni ingenzi mu kubaka urugo ndetse no kwagura umuryango, igikorwa gishimisha impande zombi cyane iyo gikoranwe ubuhanga umugore akarangiza vuba.

Menya ibice 2 by’ingenzi by'igitsina cy’umugore wakoraho akarangiza vuba

Iki gikorwa hagati yabashakanye kiba ari ibanga hagati yabo ndetse kikaba ari ntagereranwa iyo uganiriye nabo cyangwa umwe muri bo.

Iyo tuvuze imibonano mpuzabitsina, mbere na mbere ni iyakozwe hagati y’abashakanye, bityo ikaba ikorwa ku buryo bwateguwe, igakoranwa ubuhanga n’ubushishozi kugirango abayikora basoze bageze ku munezero hagati yabo.

Nk’uko bitangazwa n’urubuga topsante.fr, ngo igitsina cy’umugore kigizwe n’ibice byinshi cyane bituma umubiri we wuzuza inshinga zawo zaba izijyanye no kwibaruka cyangwa se gusohora imyanda mu mubiri, by’umwihariko hakaba n’ibindi bice byagenewe imibonano mpuzabitsina.

Umubiri w’umugore ufite ibice byinshi ariko ibyo twibanzeho ni ibice 2 birusha ibindi mu kumwongerera ubushake bwo gukora imibonano mpuzabitsina ku buryo ashobora kugera ku byishimo bya nyuma vuba.

Dore ibyo bice n’aho biherereye

  1. Rugongo:

Mu byerekeranye no guhuza ibitsina ku mugore no gushimishwa, rugongo (Clitoris) iza ku mwanya wa mbere. Ku mugore, rugongo ni inkingi mu gushimishwa mu gihe cy’akabariro kandi ni ngombwa ko clitoris ikinishwa kugira ngo umugore arangize bitamugoye.

Nyamara ariko aho rugongo iherereye si mu nzira igitsina cy’umugabo kinyuramo kinjira ku buryo kiyikoraho bitagoye, ni yo mpamvu bitoroshye gushimisha umugore bihagije muri positions izo ari zose kuko rugongo iba itakozweho.

Ni ngombwa ko umugabo n’umugore batibagirwa bakibuka ko rugongo ifite akamaro mu byo bakora byose kandi bakayoborana mu kuyigeraho neza.

Imiterere ya rugongo

  • Rugongo iherereye ahagana haruguru ku ntangirio y’igitsina cy’umugore hanze.
  • Rugongo ku ishusho isa n’igishyimbo, nyamara akenshi iba itwikiriwe n’imigoma y’ahagana hejuru ku ntangiriro y’igitsina, yikorera akantu kameze nk’akazu ngo kayirinde kuko iba yoroshye cyane.
  • Rugongo ikunze kwitwara nk’igitsina cy’umugabo, iyo umugore ashyutswe cyane akifuza guhuza igitsina n’umugabo, amaraso yirukira muri rugongo agatuma ibyimba cyane.
  • Rugongo n’ubwo igaragara hanze igice cyayo kinini kiri imbere mu gitsina cy’umugore ku ruhande rwo hejuru.

Akamaro Ka Rugongo

  • Akenshi abagore basohora bitabagoye iyo rugongo ikinishijwe
  • Ishobora gukoreshwa igihe umugore yikinisha wenyine nubwo bwose atari byiza ku bwonko bwe
  • Ifasha cyane abagore kuzana amazi (kunyara) mu gihe cy’imibonano iyo umugabo yayikozeho cyane.
  • Umugabo ashobora gukinisha rugongo yonyine agashimisha umugore, akarangiza vuba adakoresheje igitsina ahubwo akoresheje intoki cyangwa umunwa (kubabimenyereye), nubwo hari abatabyemera ku bw’impamvu z’isuku.

2. G-Spot cyangwa Point G:

Nyuma ya clitoris hakurikiraho Point G, iki gice cyiswe gutya kubera izina ry’umudage Ernest Grafenberg wakivumbuye akakiyitirira (G : Grafenberg) mu mwaka w’1982.

Iki gice kitari kizwi mbere hose, giherereye mu gitsina mo imbere ugana ku kiziba cy’inda. Kumenya niba kiri hafi cyangwa kure y’ubwinjiriro byose biterwa na buri mugore kuko birahinduka umugore ku wundi.

Iyo kiri hafi umuntu aba shobora no gukozaho urutoki. Iki gice gituma umugore aryoherwa cyane kandi akarangiza vuba mu gihe umugabo azi kubyitwaramo neza.

Kuvuga ku buzima bw’imyororokere ni ngombwa kandi binafasha benshi kumenya imiterere y’imibiri yabo, ariko na none kubivuga si ugushishikariza abatararushinga kwishora mu busambanyi kuko bibakururira ingaruka mbi zirimo gutwara inda zitateguwe, kwandura indwara zandurira mu mibonano mpuzabitsina nka VIH/SIDA n’izindi…

TANGA IGITEKEREZO KURI IYI NKURU