Polisi yo mu gace ka Enugu yataye muri yombi Pasiteri, Timothy Ngwu wateye inda abagore bagera kuri 20 basengera mu idini ayobora.

Pasiteri yatawe muri yombi azira gutera inda abagore 20 basengera mu idini ayobora

Uyu mupasiteri avugako ibyo yakoze byose atera abagore b’abandi inda ngo nuko basengera mu idini rye , ahamya ko yabitegekwaga n’umwuka wera (Roho Mutagatifu) ngo atere inda abagore benshi bashoboka.

Timothy Ngwu avuga kandi ko mu murimo we w’ibwirizabutumwa, yahawe amabwiriza na Mwuka Wera (Roho Mutagatifu) ngo atere inda aba bagore hatitawe kumenya niba bafite abagabo cyangwa ntabo bafite.

Umuyobozi mukuru w’ idini rizwi ku izana rya (the Vineyard Ministry of the Holy Trinity), Timothy Ngwu yatawe muri yombi na polisi ya Enugu nkuko byatangajwe na Daily Independent.

Umuvugizi w’igipolisi cya Enugu , Ebere Amaraizu avugako uyu mupasiteri aregwa ibyaha by’ihohotera rishingiye ku gitsina. Gusa Pasiteri we avuga ko atabikoze ku bushake bwe ahubwo ryari itegeko ry’Umwuka Wera/Roho Mutagatifu.

Asobanura neza ko umwana wese uzavuka kuri buri mugore yateye inda ateganirijwe kuzasigara mu murimo w’ivugabutumwa hamwe na ba nyina ubuzima bwabo bwose.

Ibi bikorwa bigayitse byatahuwe ubwo umugore we atangiye gukemanga imyitwari ye amurega kuri polisi nyuma yogutera inda umwana w’umukobwa wa musaza w’umugorewe. Iyo yiregura avuga ko ngo ibi byose ybikoze ngo yubahize amabwiriza ava mu Ijuru.

Avuga ku ifatwa rye pasiteri, Ngwu bivugwa ko afite abagore 5 n’abana 13 yafatanyaga n’izindi nshoreke. Gusa abajijwe iby’uwo mwana w’umukobwa, yavuzeko atigeze amumenya.

Pasiteri yavuze ko yabwibwiwe na Roho Mutagatifu gutera inda abagore bafatanyije umurimo w’ivugabutuma atitaye ko bashatse cyangwa batashatse.

Akomeza avuga ko atigeze aryamana n’umugore wese ubana n’umugabo we keretse gusa abagabo babo babyemeye ku bw’ubusabe bwa Roho Mutagatifu.

TANGA IGITEKEREZO KURI IYI NKURU