Umuraperi Am G The Black yagiriye inama bagenzi be yo gushaka umusemuzi uzi neza igishinwa kugirango azabaganiririze umuterankunga wa Salax Awards ngo kuko ashobora kuba atazi kata zakozwe.

Bamwe mu bahanzi bitabiriye irushanwa rya Salax Awards ku nshuro yayo ya 7 batangaje ko bamaze ukwezi n’igice amaso yabo yaraheze mu kirere bategereje amafaranga bemerewe gusa ntibayahabwe.

Taliki ya 25 Gashyantare 2019 nibwo hamenyekanye abahanzi 45 bazitabira irushanwa rya Salax Awards nyuma yuko iri rushanwa ryari rimaze igihe kingana n’imyaka 3 ryaribagiranye ndetse ryaravuye mu maboko y’Ikirezi Groupe rikegurirwa AHUPA mu gihe cy’imyaka itanu ariko ishobora kongerwa.

Bamwe mu bahanzi batsinze mu kiciro kibanza cy’amajonjoro AHUPA yari yaratangaje ko buri wese azahabwa amafaranga y’u Rwanda ibihumbi 100 ,ibi ntago byaje kubahirizwa n’iyi kampanyi kuko hari bamwe mu bahanzi bavuga ko batazi aho aya mafaranga yaburiye.

Kuri iki cyumweru mu kiganiro Sunday Night yagiranye na bamwe mu bahanzi batsinze bamwe bavuze ko bahawe amafaranga mu gihe abandi bavuga ko bategereje amaso yabo agahera mu kirere.

Am G The Black umwe mu baraperi bari baratsinze muri aya marushanwa yatangaje ko aye yayahawe aboneraho kugira inama bagenzi batarayahabwa ko bashaka umusemuzi uzi igishinwa neza ku buryo yavugana n’Umushinwa uhagarariye Star Time wanateye inkunga AHUPA kugirango iri rushanwa ryongere ribeho.

Yagize ati” Njyewe ikiza nuko nayabonye gusa inama nagira bagenzi banjye ni ugushaka umusemuzi uzi igishinwa ku buryo yavugana n’uwateye inkunda ririya rushanwa akamubwira kata zabayeho ku buryo abahanzi babona ayabo [..] naho bitabaye gutyo nanjye sinzi pee”

Mu kiganiro Ahmed aherutse kugirana n’itangazamakuru yavuze ko iki kibazo cyabayeho gusa yizeza abahanzi bose batabonye amafaranga yabo ko uku kwezi kwa Gicurasi kugomba kurangira babonye amafaranga bemerewe.

TANGA IGITEKEREZO KURI IYI NKURU