Umugabo witwa Trent Gates yakoze agashya ko yibagisha igitsina cye ku bushake kandi ko abayeho neza ntakibazo afite.

Umugabo yakoze agashya yibagisha igitsina cye ku mugaragaro [REBA AMAFOTO]

Umusore w’umunyamerika witwa Trent Gates w’imyaka 23 y’amavuko utuye muri Washington D.C. Yakoresheje operation yo kwikuzaho imyanya ye y’ibanga yashimangiye ko afite ibyishimo byo kuba abayeho muri ubwo buryo kuva yabikora.

Gates yabanje kwibagisha amabya muri Mata 2016, mu muhango abaganga bakoreye iwe mu rugo hanyuma akurikizaho kwikuzaho igitsina muri Mutarama 2017 mu cyumba cya Hotel muri North Calorina.

Iyi mihango yombi yahise ishyira Trent Gates mu cyiciro cy’abitwa aba – ‘nullo’, umuco wibandwaho n’abagabo bikujeho imyanya y’ibanga.

Dailymail itangaza ko Gates asanzwe akora akazi mu bijyanye n’ubumenyi bw’ikoranabuhanga, IT, yavuze ko yikujeho imyanya ye y’ibanga mu rugamba rwo guhangana n’ikibazo afite cyo guhangayikira kuba yamugara akananirwa gukora bizwi nka ‘crippling depression’.

Uyu musore yanavuze ko ariko kimwe mu bintu bikomeye byatumye yiyumvamo ko agomba kwibagisha iyi myanya ye y’ibanga harimo no kuba muri we yiyumva hagati yo kuba umugabo n’umugore icyarimwe cyangwa hagati yabyo mu iyobera ahorana.

TANGA IGITEKEREZO KURI IYI NKURU