Hilde Flora umaze kwamamara i Burayi nka Dj Princess Flora, uri no mu Banyarwandakazi bamaze kubaka ibigwi muri uyu mwuga yageze i Kigali aho ategerejwe mu gitaramo The Mane Music Label yatumiyemo abahanzi bakomeye mu Rwanda na Sheebah Karungi wo muri Uganda.

Dj Princess Flora ukunzwe cyane i Burayi yageze i Kigali aho aje gucuranga mu gitaramo cya Kigali Summer Fest

Dj Princess Flora yageze i Kigali ku mugoroba wo kuri uyu wa Mbere, tariki ya 22 Nyakanga 2019, ahagana saa tanu z’ijoro, avuye mu Mujyi wa Bruxelles mu Bubiligi aho asanzwe abarizwa, anakorera akazi ke ko kuvanga imiziki.

Yabwiye itangazamakuru ko yishimye cyane kuza mu Rwanda kuko n’ubwo yahaherukaga mu myaka mike ishize yari akumbuye akayaga gahehereye k’i Kigali n’ibindi byiza bitatse urwamubyaye.

Ati “Mba nkumbuye gucurangira mu Rwanda n’ikirere cyaho, umwaka ushize nari mpari inshuro ebyiri. Abanyarwanda mba mbona bishimye iyo ndi kubacurangira. Ni ubwa mbere nje mu iserukiramuco rinini nk’iri ubundi nazaga nkacurangira muri za hotel, nje mu gitaramo kinini urumva ko ari ibintu niteguye cyane.”

Uretse kuvanga imiziki Dj Princess Flora yiyumvamo cyane gushushanya. Aterwa ishema no kuba akora aka kazi nk’umwuga kandi ariko kamutunze by’umwihariko nk’umukobwa.

Bitaganyijwe ko Dj Flora azafatanya n’ Abahanzi benshi barimo Sheebah Karungi uzafatanya na Riderman, Deejay Pius, Amalon, Bushali, Bruce Melodie, Queen Cha, Safi Madiba, Marina, Jay Polly, Social Mula, Active, Sintex na Uncle Austin ndetse na Nsengiyumva François ‘Igisupusupu’ uheruka kongerwa ku rutonde.

Kwinjira muri Kigali Summer Fest ni 3 000 Frw ku bantu bari muri Yolo, abandi bakinjirira kuri 5 000 Frw.

Ni igitaramo kizajya kiba buri mwaka kandi bikaba biteganyijwe ko kizamara igihe kinini, icy’uyu mwaka kizatangira guhera saa cyenda z’amanywa kugeza saa sita z’ijoro.

Dj Princess Flora ukunzwe cyane i Burayi yageze i Kigali aho aje gucuranga mu gitaramo cya Kigali Summer Fest

Dj Princess Flora ukunzwe cyane i Burayi yageze i Kigali aho aje gucuranga mu gitaramo cya Kigali Summer Fest

TANGA IGITEKEREZO KURI IYI NKURU