Joriji Baneti agira udukoryo dutangaje benshi, seka utembagare wigororere imbavu ari nako wiyongerera iminsi yo kubaho, hamwe n’izi byendagusetsa za Joriji zidasanzwe.

Dore Byendagusetsa za Joriji zidasanzwe

1. Joriji Baneti aregera gatanya (divorce)

Joriji Baneti yagiye kuregera gatanya mu rukiko ariko ashaka gutwara abana.
Nuko umugore ati “Abana simbamuha, nabatwise amezi 9, ndababyara ndabarera rwose sinabyemera.”

Babaza Joriji bati “Hari icyo wongeraho?”

Joriji ati: “None se nyakubahwa, iyo ufite ikarita ya ATM ukayishyira mu cyuma kikazana amafaranga, ayo mafaranga aba ari ayande?”

Bati: “Aba ari ayawe”. Ati “Mwimbaza ubusa rero!”

2. Dore ibaruwa Joriji yandikiye umwana we:

Ku mwana wanjye nkunda cyane uraho?? Nkwandikiye buhoro buhoro kuko nsanzwe nzi ko udasoma vuba vuba.

Nubona iyi baruwa uzambwire. Nutayibona kandi nabwo uzambwire. Nta makuru menshi mfite, n’ubwo nabuze aho mpera kubera ubwinshi bw’ibyo nshaka kukubwira.

Ariko di, uziko ntaheruka kubona nyokorome Isidore kuva yapfa!?? Nta gakuru ke mfite pe! Mukuru wawe nawe aherutse kwibaruka no kubyara umwana, ariko sinamenya niba uri tante we cyangwa oncle we, kuko ntaramenya igitsina cy’umwana.

Rya koti ryawe wari wibagiwe narikohereje mu iposita ariko kubera ko ryari rifite ibipesu biremereye, narabiciye mbishyira mu mifuka y’ikote ntuzabite, nangaga ko bimpenda.

Nari nibagiwe kukubwira ko nabonye akazi k’ikirenga aho ndi hejuru y’abantu ibihumbi n’ibihumbi, fora ni akahe? Apu ntuzi gufindura: nsigaye ntema pasiparama (passiparum) ku irimbi. Mba nkoherereje udufaranga ariko mbyibutse namaze gufunga ibahasha wihangane! Yari papa wawe ugukunda Joriji Baneti!!

3. Joriji baneti mu isuzumwa ry’uburwayi bwo mu mutwe

Ubwo joriji yari arwariye mu bitaro byita ku barwayi bindwara zo mu mutwe, muganga yifuje kubasuzumana we n’itsinda ryabo bari barwaranye.

MUGANGA : Umva, mwese nimusohoke vuba vuba mujye gutera amagi, uratera igi mbere y’abandi ahite aza yirukanka narinyereka ndahita mureke atahe.

Akibivuga ubwo bose bariruka ngo bagiye gutera amagi, naho Joriji we asigara yiyicariye aho.

MUGANGA: Niko Joriji, ko utagiye gutera igi wowe ntukeneye gutaha?

JORIJI: Hahahahaa…Muganga nawe uransetsa kweli, Erega inkoko zose ntago turi inkoko kazi, njyewe ndi isake

IGITEKEREZO 1

TANGA IGITEKEREZO KURI IYI NKURU