Mu Karere ka Gicumbi haravugwa inkuru y’umuntu wiyahuje umuti wica uburondwe nyuma yo kuribwa n’ikiryabarezi .

Ku mugoroba wo kuri Taliki ya 15 Nyakanga 2019 ,mu Karere ka Gicumbi mu Murenge wa Rwamiko Umuturage bamusanze ubuzima bwe bumeze nabi, aho aryamye harambitse icupa ry’umuti wa Tsiyoda wica uburondwe, bigakekwa ko yiyahuye nyuma yaje gupfira kwa muganga.

Amakuru avuga ko uyu mugabo yari asanzwe ari asanzwe agirana amakimbirane n’umugore we, ngo yagurishije inka amafaranga ayamarira mu gukina imikino y’amahirwe ku mashini Abanyarwanda bahimbye  izina ry’‘Ikiryabarezi’

Nyakwigendera Habineza Bartazar w’imyaka 51 yari uwo mu Mudugudu wa Murambi, mu Kagari ka Cyeru mu Murenge wa Rwamiko..

Abaturanyi be bavuga ko yabonye amafaranga yose ayamariye muri iriya mashini y’Ikiryabarezi ariyahura.

Mu kiganiro Umunyamabanga Nshingwabikorwa w’Umurenge wa Rwamiko, Rusizana Joseph yagiranye n’Umuseke dukesha iyi nkuru yavuze ko basanze aho aryamye hari agacupa k’umuti wa Tsiyoda iruhande rw’umurambo we.

Abamugezeho basanze atarapfa ariko nyuma aza kugwa kwa muganga.

Abamuzi bemeza ko yari amaze gutera imbere gusa ngo kubera ikibazo cy’ubukene yaje gukena ayoboka inzira yo kunywa inzoga.

Rusizana uyobora Umurenge wa Rwamiko ati: “Nibyo, umuturage twasanze yenda gupfa, tumujyana ku Kigo Nderabuzima cya Rwesero, nyuma ajyanwa ku Bitaro bya Byumba niho yaje gupfira.”

Yongeyeho ko nubwo abaturage bavugaga ko yazize gukina ikiryabarezi, ngo ntawabimenya neza kuko ikizwi neza ngo yacungaga umutungo w’urugo nabi.

TANGA IGITEKEREZO KURI IYI NKURU