Mu buzima bwa buri munsi tugirwa inama nyinshi zinyuranye zadufasha kubwitwaramo neza, bamwe bikabashobokera abandi bikanga, ariko twitegereje neza, kenshi na kenshi iyo utazikurikije ugwa hasi ugakubitwa, ubuzima bukakugora.

Kurikiza izi nama 7 mu buzima kuko nutazikurikiza bizakugora mu buzima

Nk’uko umwe mu bajyanama mu byerekeye ubuzima abivuga, ngo iyo udakurikije izi nama zose uko ari 7, uzandagara ukubitwe, ubeho nta nshuti, compte yawe ya banki ijye kuri zero, abo mubana mu rugo bakwinube.

  1. Abantu babi = Umusaruro mubi = Nta nyungu

Niba ubana n’abantu batari beza, ntiwitege umusaruro. Uzatakaza amafaranga, inshuti, kwiyumva, igihe ndetse n’ubuzima bwawe buhangirikire. Niba udapfuye uzaruhukira muri gereza. Gupfa, gereza, gukena, kutagira inshuti nibyo ushaka?  Niba ari wowe mubi? Iyegereze abantu beza, bazakubera ikitererezo bibe byagufasha kuba umuntu mwiza.

2. Gerageza kwitekerezaho byibura umunsi umwe gusa

Niba ubyutse mu gitondo, gerageza kwibaza aho uri, icyo uri cyo. Jya mu bitekerezo wibaze bihagije kugeza ubwo wumva koko ko uri umuntu kandi ko uri kuri iyi si. Nkuko uri ikivejuru kuri uwo munsi, tekereza ko watumwe kandi ko inshingano zawe ari izo kureba uko watuma uwo mubiri wawe umera neza kuri uwo munsi, hanyuma utangire umunsi umeze neza kandi wumva ko uri umuntu n’inshingano zo kwiteza imbere.

3. Ihitemo wowe ubwawe aho guhitamo abandi

Igihe cyose wemeye gukora ikintu kandi utagishaka uziyanga, uzanga abantu kandi uzakora akazi nabi. Icyo gihe nta bushobozi, nta mbaraga uzagira zo gukora neza umurimo wari wishimiye gukora, bitume utabona umusaruro wari witeze uwo munsi, amafaranga make ndetse n’igice cy’ubuzima bwawe kizahangirikira.

4. Ibitekerezo byiza ni ifaranga ryo muri iki kinyejana turimo

Nubwo benshi tutabyumvikanaho kuri iyi ngingo, ntacyo bitwaye. Ariko ibuka ko kuri ubu, muri iki gihe tugezemo, dipolome zihanitse cyangwa se icyo uri cyo sibyo bizaba kamere kugirango ubone akazi karambye, uzamurwe mu ntera cyangwa se wongererwe umushahara, bityo ugire ubuzima bwiza. Ibitekerezo, ubumenyi bikoreshejwe neza nibyo bizakuyobora bikakugeza ku iterambere ushaka.

5. Ibikorwa biruta Amagambo, bikaruta n’ Ibitekerezo

Ibintu byose byakozwe mu mateka y’isi ni umusaruro w’ibikorwa byakozwe neza bikagerwaho. Si imitekerereze, si amagambo, ahubwo ni ibikorwa, ari nabyo byandikwa mu mateka. Ngo ” kora ndebe iruta vuga numve”, “ibikorwa biruta amagambo”.

6. Fasha abandi

Nuhitamo kwifasha wowe ubwawe wenyine, uzagira ubuzima buto, butagutse. Niba ufite impamvu ikomeye ituma ubyuka, atari ukumva ko ubyutse gusa, uzagira ubuzima bwagutse kandi bukomeye.

7. Itegeko rya 1 ku ijana (1%)

Buri munsi, mu buzima bwawe, gerageza gukora cyangwa kubona akantu gato katuma ubuzima bwawe bumera neza, haba ubuzima buzira umuze, mu bitekerezo, mu byo ukora cyangwa ushaka gukora. Muri make, gerageza gutera intambwe imbere, yaba nto yaba nini, buri munsi.

IGITEKEREZO 1

TANGA IGITEKEREZO KURI IYI NKURU