Umukozi wo mu rugo w’imyaka 27 y’amavuko yafatanywe uburozi yagaburiraga shebuja witwa Harerimana n’umugore we batuye mu murenge wa Gatenga mu karere ka Kicukiro mu mujyi wa Kigali.

RIB yataye muri yombi umusore wagaburiraga uburozi shebuja na nyirabuja

Uyu mukozi yemeye ko yabahaga ubwo burozi yahawe na nyina ngo buzatume abakoresha be bamukunda ndetse banamufate nk’umwana wabo.

CIP Marie Goretti Umutesi umugizi wa Polisi mu mujyi wa Kigali, yemeje aya makuru avuga ko uyu mukobwa afungiye ku rwego rw’Igihugu rushinzwe Ubugenzacyaha (RIB) kuri sitasiyo ya Kicukiro.

CIP Umutesi ati” Nibyo yafatanywe uburozi yajyaga aha ba shebuja. Ngo yabuhawe na nyina utuye mu Ruhango kugira ngo abakoresha be bazamufate nk’umwana wabo. Abakozi bo mu rugo birinde ababashuka bakore akazi n’umutima nama wabo, igihe habaye ikibazo begere inzego zibishinzwe zibikemure.”

Yasabye abakozi bo mu rugo kureka imyumvire y’ubujiji ahubwo bakumva ko ari abakozi nk’abandi,bagakora akazi kabo n’umutimanama wabo aho kwishora mu byaha.

CIP Umutesi kandi yasabye abakoresha abakozi mu ngo zabo kubahiriza uburenganziira bw’abakozi babo birinda ibibazo byakurura amakimbirane.

Uyu Harerimana n’umugore we bagiye gupimwa ngo hamenyekane ubwo burozi bagaburirwaga n’ingaruka bushobora gutera mu buzima bwabo dore ko bari bamaze igihe babugaburirwa.

TANGA IGITEKEREZO KURI IYI NKURU