Senateri Tito Rutaremara yagize icyo avuga ku iterambere ry’imbuga nkoranyambaga ririmo gutera benshi mu bakobwa kwifotoza bambaye ubusa, bigatuma bibasirwa bikomeye babashinja ngo kwica umuco nyarwanda.

Senateri Tito Rutaremara yavuze ko imyifotoreze yaba Slay Queen atayifata nko kwica umuco

Mu Rwanda kimwe no mu bindi bihugu bimaze gutera imbere mu gukoresha imbuga nkoranyambaga hadutse icyiciro cy’abakobwa b’aba Slay Queen bakunda kuvugisha benshi bitewe nibyo bashyira ku nkuta zabo. Hari abo usanga bifotoje bambaye imyambaro yerekana ibice by’ibanga by’umubiri wabo, abandi bagahitamo kwifotoza bambaye ubusa buri buri.

Mu kiganiro Senateri Tito Rutaremara yagiranye na RBA muri ZoomIn yabajijwe icyo avuga ku bakobwa bakunda kwifotoza bambaye ubusa, maze avuga ko asanga ntacyo byangiza ku muco nyarwanda, kuko ngo niba bafite ibice byiza by’umubiri wabo baba bashaka kwerekana ngo ntacyo bitwaye. Ibi yabivuze akoresheje urugero aho yagize ati ‘Nk’umukobwa niba afite amaguru meza, yabuzwa niki kuyerekana.’

Ku kibazo cyo kwica umuco aba bakobwa bakunze gushinjwa, Senateri Rutaremara yavuze ko nta muco byica. Aha yavuze ko urebeye nko ku muco w’abanyarwanda ba kera wasangaga bambaye inshabure zerekana ibice by’ibanga kandi ntacyo bitwaye ndetse binemewe mu muco. Ibintu ngo byaje guhindurwa n’umuco w’amadini wazanye imyambarire yawo, akaba ari nawo utuma kuri ubu abantu bambara imyambaro migufi bafatwa nkabarengereye.

Mu mwaka wa 2017 ubwo Senateri Tito yagiranaga ikiganiro n’abakobwa bari bahataniye ikamba rya Miss Rwanda, nabwo yatangaje ko kwambara Bikini atabifata nko kwica umuco kuko ngo ntacyo bimutwaye ndetse nta nicyo byica.

Senateri Tito Rutaremara yagize icyo avuga ku bakobwa b'aba Slay Queen bifotoza bambaye ubusa
Muri 2017, Senateri Tito Rutaremara yasuye abari muri Miss Rwanda maze atangaza ko kwambara Bikini nta kibazo abibonamo
Senateri Tito Rutaremara yagize icyo avuga ku bakobwa b'aba Slay Queen bifotoza bambaye ubusa
Shaddy Boo ni umwe mu ba Slay Queen bazwi cyane mu Rwanda
Imyifotoreze ya Shaddy Boo ikunda kuvugisha benshi

TANGA IGITEKEREZO KURI IYI NKURU