Umunyarwandakazi wamamaye kubera amafoto ashyira ku mbuga nkoranyambaga yambaye ubusa yibasiye nikomeye mugenzi we ShaddyBoo amwita indaya avuga ko abanyarwandakazi bose baticuruza nkawe.

ShaddyBoo yandagajwe bikomeye n'umukobwa wamamaye kubera amafoto y'ubwambure bwe

Noeline Isimbi byavugwaga ko yari yinjiye muri sinema ya Tanzania abifashijwemo n’umugabo witwa Mwijaku, yaje kubihagarika ngo bitewe n’uko uyu mugabo yashakaga ko baryamana.

Isimbi Noeline wanyuze muri Miss Rwanda 2019, nyuma akaza kumenyekana cyane ku mbuga nkoranyambaga, kuri ubu yabarizwaga mu gihugu cya Tanzania aho yari yagiye gukina muri filimi y’uruhererekane ya Mahaba itegurwa n’uyu mugabo Mwijaku, umukinnyi wa filimi w’icyamamarere muri iki gihugu wari wamwijeje ibitangaza.

Noeline yavuze ko Mwijaku yamuhamagaye ndetse akamusezeranya ko azajya amuhemba neza nk’abandi bakinnyi ba filimi bayigaragaramo.

Mu butumwa buri mu cyongereza yanyujije kuri Instagram, yavuze ko uyu mugabo yamuteze umutego ndetse nyuma yo kwanga ko baryamana amasezerano yo gukina iyi filimi agahita ahagarara.

Yagize ati “Yambwiye ko ikipe twakoranye yakunze agace ka mbere nakinnye ariko ko ntakomeza mu gihe ntemeye kuryamana na we, umugabo wubashywe muri Tanzania mbyanze ahita ahagarika buri kiwe twari twumvikanye.”

Yakomeje avuga ko uyu mugabo washatse kumusambanya agomba kumenya ko abanyarwandakazi bose atari nka Shadyboo ntibakajye babakinisha.

Shaddy Boo yatangaje ikintu ahora yifuza kuzakora mu buzima bwe
Isimbi Noeline ngo abanyarwandakazi bose si nka Shaddyboo

Yagize ati: “Icyo nshaka kuvuga, abagabo bamwe ni abagabo bitewe n’ibyo bafite ariko ntabwo ari byo bibagira abagabo gusa[…] twe nk’abanyarwandakazi ntimukadukine imikino ntabwo twese turi ba Shaddyboo. Nta kibazo ariko ntimukatwibeshyeho, nshobora kunyura muri byinshi ngo ngere ku nzozi zanjye ariko ntaryamanye na we Mwijaku, atari ukubera ko uri mubi ahubwo ufite inda nini [Kitambi] kandi simbikora n’abafite inda nk’izo.”

Isimbi nyuma yo kwitaba RIB yongeye ashyira hanze amafoto
Isimbi Noeline wamamaye kubera amafoto y’ubwambure bwe ashyira hanze

Isimbi Noeline wamamaye kubera amafoto y’ubwambure bwe ashyira hanze yakomeje kandi avuga ko yagiye Tanzania yitegeye ku mafaranga ye ngo agiye gukina filimi, yasabye bagenzi be kutagwa mu mutego uyu mugabo ari gutega kuko ashaka kuryamana nabo gusa.

TANGA IGITEKEREZO KURI IYI NKURU