Nushakisha amakuru ya Rajab Abdul Kahali (Harmonize) muri iyi minsi, urabona ajyanye no gutandukana n’inzu ikora umuziki ya Wasafi (Wasafi Classic Baby) yashinzwe na Diamond Platinumz. Abafana bamushyizeho igitutu nyuma yo kumva ko amakuru ashobora kuba yabaye impamo.

Abafana bibasiye Harmonize nyuma y’inkuru ivuga ko atakibarizwa muri Wasafi

Hashingiwe ku bimenyetso bitandukanye ari byo:

  • Mu minsi yashize Harmonize ntiyagaragaye mu iserukiramuco rya WCB. Byavuzwe ko hari imishinga arimo.
  • Na none nk’uko bigaragara ku rubuga rwa Harmonize, ntabwo ari kurutonde rw’abahanzi bakomeza iri serukiramuco kuri uyu wa 18 Kanama.
  • Mu cyumweru gishize, Harmonize yari gutaramira mu gitaramo Diamond yakoreye muri /New York/Amerika, ariko ntiyagaragaye ku mpamvu byavuzwe ko ari ikibazo cya viza.
  • Kuba Harmonize yarasubiyemo indirimbo ‘Kwangwaru’, ayihimbira Magufuli, Diamond bayifatanyije atarimo na yo ni mpamvu yatunzwe agatoki.
  • Ubundi biba bigoye kugira ngo umuhanzi ukorera mu nzu y’umuziki runaka yamamaza ibikorwa by’utayibamo (n’ubwo hari ababikora). Harmonize ari gukunda kumenyekanisha ibikorwa by’umuhanzi Q Chillah.
  • Bamwe bemeza ko Harmonize yamaze kuva muri WCB kuko ikigaragara nta bikorwa bikimuhuza na bagenzi be.
  • Kuba Diamond yaratangaje ko Harmonize agira ubugugu cyangwa se umururumba bigaragaza ko bashobora kuba batavuga rumwe.

Birumvikana ko Harmonize nk’umuhanzi wamamaye atabura abamushyigikira, yava muri WCB cyangwa se yayigumamo ariko benshi ntibamucira akari urutega aramutse yinyuriye mu nzira ze. Hari n’abamuhanurira kutazahirwa nka Richard Mavoko witandukanyije na bagenzi be mu mwaka ushize.

  • Nutangaza kuva muri Wasafi, imivumo yacu nk’abafana izatuma wicuza.
  • Urava muri Wasafi turareka kugukurikira, Harmonize.
  • Umwana iyo akuze abona yishoboye, ava mu rugo ariko hakomeza kwitwa mu rugo.
  • Harmonize! Vamo urebe.
  • Nawe urashaka gusanga Mavoko iyo ari?
  • Diamond azakwemerera kugenda ariko wibuke ko amahirwe menshi wayagiriye muri Wasafi. Nugenda kazaba kaguhagararanye.

Ubu butumwa bwose bugenda bwoherezwa ku rubuga rwa Instagram rwa Harmonize buri uko agize icyo ashyiraho.

Gusa ubwo Diamond aheruka i Kigali yabajijwe kuri kino kibazo maze asubiza ko iyo ari inkuru nshya kuri we gusa ko azabikurikirana.

TANGA IGITEKEREZO KURI IYI NKURU