Zari yatangaje ko imigenzo ya cyera akiyikomeje ngo kuko arifuza kubyara abana 10 nkuko bamwe mu bacyera bajyaga babigenza.

Umushabitsikazi ndetse akaba n’umwe mu bagore bakunzwe ku mbuga nkoranyambaga kubera udushya akunze gukoreraho yongeye kugaruka ku mubano we n’umukunzi we King Bae bivugwa ko bakoze ubukwe mu ibanga rikomeye.

Mu kiganiro uyu mugore aherutse kugirana na Millard Ayo TV yahishuye ko yifuza kubyarira umukunzi we King Bae abana batanu biyongera ku bandi batanu yabyaranye n’abagabo 2 aheruka gukundana nabo barimo Diamond na Ivan Ssemwanga.

Yagize ati “Mfite ubuzima bwiza,ndacyafite ubuzima bwiza ndetse ndacyabyara ariko nintabasha gutwita tuzifashisha uburyo bwo guhuza intanga [surrogate].Abana ni beza cyane,ndifuza kubyara abana 10.

Urabizi ababyeyi ba kera bagiraga abana benshi.Ndacyakomeye ku migenzo gakondo.Ndashaka abana 10 kugira ngo ngire umuryango mugari.Abana icumi ntabwo ari benshi.

Yaboneyeho kubwira abantu benshi bamwumvishe nabi ko kubyara abana benshi Atari igisebo ahubwo ari umugisha ngo kandi niyo yaba ageze mu gihe cyo kutabyara bazakoresha uburyo bwo guhuza intanga [surrogate].

Twakwibutsa ko kuri ubu uyu mugore afite abana 5 barimo abo byabyaranye na Nyakwigendera Ivan ndetse na Diamond.

IGITEKEREZO 1

TANGA IGITEKEREZO KURI IYI NKURU