Mukomere cyane, amazina yanjye mumbabarire nyagire ubwiru ku bw’impamvu z’umutekano w’umuryango, ariko ndagisha inama kugira ngo niyubakire urugo neza rukomere, kuko igitsina cy’umugabo wanjye gisigaye kidafata umurego nka mbere.

Amezi 3 arashize igitsina cy’umugabo wanjye kidafata umurego

Mbese ndi umudamu, mfite abana babiri, mbana n’umugabo wanjye tumaranye imyaka umunani, ariko noneho ibisigaye bimubaho byanteye urujijo.

Ubundi iyo yabaga yanyoye inzoga yabaga afite ubushake cyane, agatera akabariro ku buryo bunejeje pe, akaniyongeza, ariko ubu yayinywa, atayinywa ntacyo bitanga. Ubu amezi abaye atatu igitsina ke kidafata umurego.

Yagiye kwa muganga bamubwira ko nta kibazo babona afite cyamubuza gushyukwa, ariko wapi, imodoka ntabwo igifata umuvuduko pe!

Namubajije niba nta wundi mugore baba barasambanye mbere y’uko biba , ambwira ko ntawe. Ubu ibibazo ni byinshi pe, kandi yatangiye kugira impungenge ko namuca inyuma.

Ntiyajyaga akunda kumbaza gahunda zanjye zose z’umunsi, none nsigaye ngenda nkabona ko ahangayitse ahari akeka ko mfite gahunda z’abandi bagabo, kandi koko biranumvikana kumara ayo mezi yose urarana n’umugabo utagira icyo akumarira, ariko ikinshishikaje ni ukumuvuza kurusha uko namuca inyuma.

Murakoze!

TANGA IGITEKEREZO KURI IYI NKURU