Umuhanzikazi Butera Knowless n’umugabo we Ishimwe Clement berekanye ibyishimo bafite nyuma y’imyaka itatu ishize bemeranyije kuzabana akaramata nk’umugore n’umugabo.

Knowless na Clement mu byishimo by’isabukuru y’imyaka itatu ishize bakoze Ubukwe
Knowlesss na Clement bari kwizihiza isabukuru y’imyaka itatu bamaze babana

Ku itariki ya 7 Kanama 2016 nibwo Butera Knowless na Ishimwe Clement bakoze ubukwe bw’amateka, mu birori byabereye I Nyamata bikitabirwa na bamwe mu byamamare bitandukanye mu Rwanda.

Kuri uyu wa gatatu tariki ya 07 Kanama 2017, Knowless na Clement bongeye kwerekana ibyishimo batewe no kuba bamaranye imyaka itatu babana mu mahoro ndetse n’umunezero udasanzwe mu rwabo.

Clement abinyujije ku rukuta rwe rwa Instagram yagize ati “Ifoto irabivuga byose, imyaka 3 y’urukundo ndetse n’ibitwenge. Ndagukunda Butera Knowless, Isabukuru nziza y’imyaka itatu y’ubukwe bwacu.”

Butera Knowless nawe yahise asubiza Clement mu magambo agira ati “Imana ni nziza cyane Clement Ishimwe, Uzahora uri uwa mbere mu buzima. Isabukuru nziza y’imyaka itatu y’ubukwe bwacu, Rukundo.”

Tubibutse ko mu gihe cy’imyaka itatu aba bombi bamaranye, bamaze kwibaruka umwana umwe w’umukobwa witwa Ishimwe Or Butera.

Knowless na Clement mu byishimo by’isabukuru y’imyaka itatu ishize bakoze Ubukwe
Aba bombi bafitanye umwana umwe w’umukobwa

TANGA IGITEKEREZO KURI IYI NKURU