Ikiremwamuntu kigira ubwoko bw’amaraso bune, ari bwo A, B, AB na O ariko umwe akagira bumwe, undi akagira ubundi. Mu mitangire y’amaraso, ufite A aha mugenzi we bahuje, ufite B bikaba bityo, AB bikaba uko, O yo iha bose ariko ikakira O gusa, hakaba n’ubwoko bufite ibyago bike byo kwandura kanseri.

Menya ubwoko bw’amaraso bufite ibyago bike byo kwandura kanseri 

AB na yo igira umwihariko wo kwakira buri bwoko bw’amaraso.

Ubushakashatsi bwakozwe n’inzobere mu bumenyi bw’ubuzima mu kigo cya Karolinska muri Swede bwemeje ko abantu bafite ubwoko bw’amaraso bwa O bagira ibyago bike byo kwandura kanseri kuko ngo aya maraso agira ubwirinzi bwa kanseri bufite imbaraga.

Ni ubushakashatsi bwakorewe ku bantu basaga miliyoni imwe mu bitaro biri mu Bwongereza mu gihe mu myaka 35 ishize. Bamaze kubona ko mu barwayi ba kanseri, abake cyane ba O ari bo banduye iyi ndwara.

Mu gihe cy’imyaka 35, izi nzobere zabonye ko kwandura no gukura kwa kanseri biterwa n’ubwoko bw’amaraso umuntu afite.

Abafite ubwoko bwa A baba bafite ibyago byinshi byo kwandura kanseri yo mu gifu nk’uko ubu bushakashatsi bukomeza bubivuga. Aba A na AB bo ngo bagira ibyago byinshi byo gufatwa na kanseri yo mu mwijima.

TANGA IGITEKEREZO KURI IYI NKURU