Umugore utwite witwa Winny Awino ari mu Bitaro bya Apac muri Uganda, nyuma yo gukubitwa n’umugabo we w’umusirikare wa Uganda mu cyumweru gishize amuziza ko yamwimye akabariro.

Awino nk’uko Daily Monitor ibitangaza, umugabo we yamukubise bihambaye bitewe no kwanga ko batera akabariro.

Avuga ko uyu musirikare yasize bagenzi be bari ku burinzi, akaza kumusaba ko baryamana, yabyanga akamukubita.

Yemeza ko uyu musirikare yamutunze imbunda amubwira ko aza kumurasa naramuka yanze ko baryamana. Uyu mugore ufite inda y’amezi atanu yarabyyanze niko gukubitwa kugeza ubwo atabasha kurira.

Umuyobozi wa Polisi mu Karere ka Apac, Moses Ekudot avuga ko batangiye iperereza kuri iki kibazo.

Umuvugizi wa Batayo ya 5, Lt. Hassan Ahamed Kato yavuze ko ukekwaho gukubita uyu mugore yamaze gufatwa.

TANGA IGITEKEREZO KURI IYI NKURU