Diamond uheruka mu gihugu cy’u Burundi akahava adataramye kubera ikibazo cy’umutekano, aririmba indirimbo nkeya. Ubu yatangaje ko agiye gusubira i Burundi.

Umuhanzi Diamond Platnumz arasubira kuririmbira Abarundi

Diamond Platnumz, umuhanzi wo muri Tanzania ukunzwe cyane mu karere cy ’ibiyaga bigari, yatangaje ko mu cyumweru gitaha azasubira i Bujumbura mu gitaramo cy’abantu bakomeye (VIP).

Iki gitaramo avuga ko kizaba ku wa gatanu w’icyumweru gitaha ahitwa Zion Beach i Kinindo ku nkombe z’ ikiyaga cya Tanganyika i Bujumbura. Biteganyijwe ko buzacya ahita aririmbira  mu kindi gitaramo kizabera mu Rwanda, azahuriramo n’bandi bahanzi ba hano mu Rwanda batandukanye.

Ku i Tariki 28 y’ukwezi gushize nibwo umuhanzi Diamond yaririmbye mu gihugu cy’u Burundi mu murwa mukuru wa Bujumbura mu gitaramo cyo gusoza irushanwa rya muzika rya Primusic ryegukanywe n’umwari witwa Laurette Tetero.

Umuhanzi Diamond Platnumz arasubira kuririmbira Abarundi

Iki gitaramo cyabereye kuri Ecole Technique Secondaire de Kamenge (ETS), mu gihe umuhanzi Diamond yaramaze kuririmba indirimbo nkeya hadutse imvururu mu bafana bashakaga kwegera aho aririmbira, icyo gihe Diamond yari amaze kuririmba indirimbo ye nshya “Kanyaga” ikunzwe cyane, yahise avanwa ku rubyiniro mu buryo bwo kurinda umutekano we ntiyagaruka.

Hari abantu bakomerekeye muri izi mvururu, nk’uko byatangajwe n’ibinyamakuru byo mu Burundi bikemezwa n’inzego z’umutekano zo mu gihugu cy’u Bururndi.

Nyuma y’igitaramo giheruka, bamwe mu bategetsi bo mu gihugu cy’ u Burundi bishimiye ko uyu muhanzi mpuzamahanga yaje gutaramira mu gihugu cyabo, bavuga ko byerekana ko kirangwa n’amahoro.

Umuhanzi Diamond Platnumz arasubira kuririmbira Abarundi

Diamond aheruka gutangaza ko azaririmbira i Kigali mu Rwanda tariki 17 ukwezi kwa Kanama 2019, hakazaba hasozwa igitaramo kimaze iminsi kizenguruka mu Ntara zigize igihugu cy’u Rwanda kitwa “Iwacu Muzika Festival”.

TANGA IGITEKEREZO KURI IYI NKURU