KNC yatinyuye abakinnyi b’ikipe ye ya Gasogi ababwira ko abakinnyi bose ari bamwe aho yaboneyeho kubabwira ko batagomba guterwa ubwoba na Oumar Sidibé cyangwa Michael Sarpong kuko bose ari abakinnyi nk’abandi bose.

Kakooza Nkuriza Charles (KNC) Umuyobozi mukuru wa Radio 1 na TV 1 , Mu kiganiro yagiranye na FunClub, KNC yavuze ko kugeza ubu mu Rwanda nta mukinnyi w’igitangaza uhari kandi ko bose bari ku rwego rumwe.

Ibi abitangaje nyuma yaho ikipe abereye umuyobozi ariyo Gasogi United izakina icyiciro cya mbere mu mwaka w’imikino 2019/2020 nyuma yo kuzamuka ivuye mu Cyiciro cya Kabiri, inatwaye igikombe.

Ubwo yaganiraga na Fun Club yavuze ko yashimishwa cyane no kubona Gasogi yahuye na APR FC cyangwa APR FC

Yagize ati “ Njye mbona amakipe yose ari amwe n’abakinnyi bose bari ku rwego rumwe. Igitangaza kiri muri Rayon Sport se ni ikihe? Sidibé? Ariya ni amazina. Sarpong? Sarpong ni iki? Ni umukinnyi nk’abandi bose.”

KNC yaboneyeho kubabwira ko Gasogi ashaka kuyubaka nk’ikipe ifite igitinyiro ku buryo buri kipe bigiye gukina itazajya iza yayijenjetse ko igiye kuyivanaho amanita.

Yakomoje no ku bakinnyi barya Ruswa kugirango batsindwe aho yavuze ko we abagereranya nk’ibintagazi kuko umukinnyi nya mukinnyi ntakora ibyo

Ati” Umukinnyi ujya kurya ruswa kugira ngo atsindwe ntaba akiri umukinnyi aba yabaye ikintagazi. Burya umuntu iyo aguhaye ruswa aba akugize nka poubelle [ikimoteri] bajugunyamo umwanda. Utekereza ko umuntu yaguha ruswa ngo ejo akugure se? Icyo ni cyo abakinnnyi bagomba gutekerezaho.”

KNC yaboneyeho kuvuga ko kuri ubu Gasogi ije guhanganira ibikombe na Rayon sports na APR FC ngo kuko byose bishoboka.

TANGA IGITEKEREZO KURI IYI NKURU