Umukobwa witwa Honorine yatangaje ko kuba bategura irushanwa rya Miss Rwanda ari ikintu kiza gusa ngo bagakwiye gutegura n’irushanwa rya Miss Curvy kugirango nabo bagire aho bisanga.

Umwe mu bakobwa babyibushye mu Rwanda ngo arifuza ko babategurira Miss Curvy nkuko bategura Miss Rwanda

Mu bihugu bitandukanye kuri ubu biri mu nzira z’amajyambere usigaye usanga habera amarushanwa atandukanye gusa akenshi yibanda ku myidagaduro.

Aha twafata urugero nko mu gihugu cya Uganda aho umwaka ushize batoye ‘Miss Curvy’ hari n’ikindi gihe batoye umusore mubi kurusha abandi muriki gihugu aho icyo gihe umwanya waje kwegukanwa n’umugabo witwa Ssebabi.

Ibi akenshi bigaragaza ko imyidagaduro ya handi imaze kwaguka ku buryo bugaragara . Mu Rwanda ho biracyari hasi cyane bitewe nuko abashoramari bashora agatubutse muri ibi bitaramo by’imyidagaduro bakiri bacye cyane ugereranyije no mu bindi bihugu gusa kubw’amahirwe hakaba hari akantunu ko bishobora kuzajyerwaho.

Mu kiganiro Umuhanzi Tv uherutse kugirana n’umwe mu bakobwa babyibushye mu Rwanda Witwa Uwamahoro Honorine yatangaje byinshi bitandukanye.

Yagize ati “ Mu byukuri nubwo tubyibushye gusa natwe tugira uburanga bwacu bwihariye kuko natwe hari abakunda uko duteye kuki hatabaho amarushanwa y’abantu banini ngo natwe duhatane nk’abandi bakobwa?.”

Yakomeje avuga ko mu bindi bihugu baha umwanya abantu babini nabo bakiyerekana bityo bakanahembwa ugasanga ari abantu bakunzwe mu gihugu ndetse banubwashywe bitewe n’ikamba baba barambitswe, gusa ndashimira by’umwihariko Aline Gahongayire wigeze kubikora nubwo atazi aho aho ayo marushanwa yarengeye.

Mu kiganiro Touchrwanda twagiranye na Aline Gahongayire yatubwiye ko kuri ubu ntamwanya afite gusa ngo namara guhuguka azongera ategure iryo rushanwa.

Yagize ati” Ntamwanya mfite [..] nimpuguka nzongera mbikore.”

Tumubajije mu marushanwa yatambutse niba yaragenze neza , yadusubije ko byagenze neza ndetse abantu bari bitabiriye ku rugero rwiza.

Umwe mu bakobwa babyibushye mu Rwanda ngo arifuza ko babategurira Miss Curvy nkuko bategura Miss Rwanda
Uwamahoro Honorine

Honorine yaboneyeho gusaba abafite mu nshingano ibijyanye no gutegura amarushanwa y’ubwiza ‘Beauty Pageant’ ko bakwibuka ko hari n’ abakobwa babyibushye kandi bazi n’ intambuko ndetse no kwifotoza nka Banyampinga.

Yaboneyeho gushimira imwe muri Sosiyete ya hano mu Rwanda y’itumanaho yakoreshaje Mukarujanga ku byapa byabo ngo biriya bibereka ko abakobwa banini nabo bahawe icyubahiro kandi batekerezwaho ngo kuko mbere wasangagaho abakobwa bafite igara rito ngo bigatuma bibaza niba mu Rwanda ntabakobwa babyibushye bahaba.

IKIGANIRO NA HONORINE UMUKOBWA UBYIBUSHYE:

TANGA IGITEKEREZO KURI IYI NKURU