Igihembo gitangwa na UEFA, gihabwa umukinnyi uba warahize abandi aricyo ’Ballon d’Or’, cyegukanwe na myugariro w’umuholandi Virgil Van Dijk ukinira ikipe ya Liverpool, ahigitse Cristiano Ronaldo na Lionel Messi.

Virgil n'ibihembo yegukanye

Nyuma yo guhigika bagenzi babo mu ijonjora ryatambutse, abakinnyi batatu, Virgil Van Dijk wa Liverpoll, Cristiano Ronaldo wa Juventus na Lionel Messi wa FC Barcelona nibo bari bahanganiye iki gihembo.

Ibi bihembo bikaba byatangiwe mu Bufaransa mu mujyi wa Monaco ku mugoraba wo kuri uyu wa Kane tariki ya 29 Kanama 2019,  aho Virgil Van Dijk yaje guhigika aba bagabo bari bamaze igihe kinini bayisimburanwaho, akaba ayambuye Luca Modric wayegukanye umwaka ushize.

Mbere yo gutanga ibihembo, Messi, Cristiano na Virgil buri umwe yari yifitiye icyizere
Mbere yo gutanga ibihembo, Messi, Cristiano na Virgil buri umwe yari yifitiye icyizere

Virgil Van Dijk kandi nyuma yo kwegukana Ballon D’Or yaje gutorwa nka myugariro mwiza w’umwaka wa 2019.

Virgil yegukanye iki gihembo nyuma yo gufasha ikipe ye ya Liverpool kwegukana UEAFA Champions League 2019, kugera ku mukino wa nyuma wa UEFA Nations League aho batsinzwe na Portugal, yanabaye kandi umukinnyi mwiza w’umwaka w’imikino muri shampiyona y’u Bwongereza 2018-2019.

Virgil Van Dijk n'ibihembo yegukanye
Umuholandi Virgil ukinira ikipe ya Liverpool Fc n’ibihembo yegukanye

Mu bindi bihembo byatanzwe, Alisson wa Liverpool yabaye umunyezamu w’umwaka, umukinnyi ukina hagati mwiza w’umwaka yabaye Frenkie de Jong umuholandi ukinira FC Barcelona ariko akaba yarahembewe ibyo yakoze muri Ajax umwaka ushize, mu gihe rutahizamu yabaye umunya-Argentine ukinira FC Barcelona, Lionel Messi.

Virgil Van Dijk na Alisson bakinira Liverpool
Virgil na Alisson Becker bakinira Liverpool
Ifoto y'urwibutso kubatsindiye ibihembo
Ifoto y’urwibutso kubatsindiye ibihembo

TANGA IGITEKEREZO KURI IYI NKURU