Ibigeragezo igitsina gore duhura nabyo sinzi niba n’abagabo babinyuramo, ku bwanjye ndi umukobwa w’imyaka 26 y’amavuko, iwacu ni muri Kigali/ Muhima ariko nkorera mu mujyi.

Iyo foto mberetse niko nteye, ndi mwiza kandi nteye neza, ntibinezeza kuko bimpoza mu ibigeragezo- Nkore iki?

Nta nkumi yigaya ariko ntabwo wakwiyoberwa, ndi mwiza pe kandi n’uko nteye nzi ko hari abakobwa benshi babyifuza.

Uku meze rero bituma mpura n’ ibigeragezo byinshi, nkitekerezaho cyane bitewe n’imijugujugu mba natewe nkayisimbuka, rwose pe, ntababeshye nabuze uko mbigenza.

Nshyira agafoto ku mbuga nkoranyambaga nkasanga ubutumwa nohererejwe 90% ari ubunsaba urukundo, muri bwo nkasanga abarunsaba 70% muri bo ni abagabo.

Akenshi abo mpaye akanya tugakomeza kuganira nta handi baganisha ni ku buriri, bakancukisha amafaranga bifuza ko turyamana.

Mbese ntabwo bwacya rimwe cyangwa kabiri hatagize umugabo cyangwa umusore unganirije ku kirebana n’imibonano mpuzabitsina, cyangwa ngo andate ubwiza n’ibindi mbona ari ibyo kundoha.

Kubera izi ntambara mporamo, bituma ntanezezwa n’uko nteye ahubwo nkumva bishobotse byahinduka. Ndakundana n’umusore nakumva umutima wanjye utangiye kumukunda ati ‘umubiri waWE urancumuza’, ejo ati ‘numva nshaka ko turyama’ tukaba turashwanye.

Ni izo ntambara mporamo, ninubaka urugo nzi neza ko izi ntambara zitazashira kandi kubera uko ngaragara abasore ntibambona nk’uwo kubaka urugo ahubwo abenshi mbambona bambona nk’uwo kuryoshya mu buriri kandi atari uko ndi.

Ntabwo ndi indaya, nta n’uw’iwacu wabyigeze, nkeneye inama zanyu, murakoze!!

IGITEKEREZO 1

TANGA IGITEKEREZO KURI IYI NKURU