Leta ya Nigeria itangaza ko igiye gucyura abaturage bayo babarirwa muri 600 babaga muri Afurika y’Epfo, nyuma yaho muri iki gihugu hatangiye ihohoterwa rikorerwa abanyamahanga.

Nigeria yacyuye abaturage bayo 600 bashakaga kwicirwa muri Afurika y’Epfo

Abantu 10 barimo abanyamahanga babiri barishwe mu cyumweru gishize, hakiyongeraho abandi babiri byatangajwe ko bishwe ku Cyumweru cyumweru.

Kubera ikibazo cy’akazi muri Afurika y’Epfo, BBC itangaza ko abenegihugu bashinja abanyamahanga kukabatwara, bityo bakaba babasaba kubavira mu gihugu.

Imyigaragambyo muri Afurika y’Epfo ngo yibasira ahaparitse imodoka ndetse no ku nyubako z’abimukira, David Tembe uyobora igipolisi gishinzwe kurinda umujyi wa Johannesburg, avuga ko ibi ngoa bifatwa nk’icyaha.

Imbaga y’abaturage ngo ikaba yigaragambya ivuga ‘Abanyamahanga gusubira aho baturutse”. Ambasade ya Nigeria muri Afurika y’Epfo ikaba itangaza ko abashaka gutaha babishaka kandi nafite n’ibyangombwa.

Mu mijyi nkwa Johannesburg na Pretoria niho imyigaragambyo ikomeye, ubwo abaturage ba Nigeria bamaraga kumva iyi nkuru, nabo bahise batangira kwihimura ku ba Afurika y’Epfo.

TANGA IGITEKEREZO KURI IYI NKURU