Ku nshuro ya kane Tanzania igiye kwakira iserukiramuco ry’ubugeni rihuza ibihugu bigize umuryango wa Afrika y’Iburasirazuba, Jumuiya ya Afrika Mashariki Utamaduni Festival-JAMAFEST.

Tanzania: Ku ncuro ya kane hagiye kuba iserukiramuco rya JAMAFEST

Iri serukiramuco rizaba riba ku nshuro yaryo ya kane, rizabera kuri Stade Uwanja wa Taifa iherereye i Dar Es Salaam hagati y’itariki ya 21 n’iya 28 z’uku kwezi.

Iserukiramuco rya JAMAFEST, rihuza ibihugu bigize umuryango wa Afrika y’Iburasirazuba, Jumuiya ya Afrika Mashariki Utamaduni Festival-JAMAFEST. Ni iserukiramuco ryemejwe n’inama y’abaminisitiri bashinzwe Umuryango wa Afurika y’Iburasirazuba mu 2011.

Bwa mbere riba muri 2013 ryabereye mu Rwanda, Kenya iryakira muri 2015 mbere yo kubera muri Uganda mu mwaka wa 2017.

Ibizaranga iri serukiramuco harimo indirimbo, imbyino, ubugeni, kumurika imideri, gukirana  n’ibindi. Ni ibyemejwe n’umwe mu bari gutegura iri serukiramuco witwa Joyce Fissoo.

Tanzania: Ku ncuro ya kane hagiye kuba iserukiramuco rya JAMAFEST

Insanganyamatsiko y’iserukiramuco ry’uyu mwaka iragira iti” Guhuza imico, umuyoboro nyawo w’ukwihuza kw’akarere, kuzamura ubukungu no guteza imbere ubukerarugendo.”

Umunyamabanga uhoraho muri Minisiteri ya Tanzania ishinzwe itangazamakuru, umuco, ubugeni na Siporo; Susan P Mlawi, yavuze ko Tanzania inejejwe no kwakira iri serukiramuco, ndetse ikaba yiteguye gukora ibishoboka byose kugira ngo rizagende neza.

TANGA IGITEKEREZO KURI IYI NKURU