Ku munsi wa  mbere w’imikino y’amatsinda y’irushanwa rya UEFA Champions League rihuza amakipe yabaye aya mbere iwayo ku mugabbane w’Uburayi ntabwo wahiriye amakipe arimo Liverpool yatwaye iki gikombe mu mwaka ushize, aho yatsinzwe na Napoli yo mu Butaliyani ibitego 2-0

UCL 2019: Liverpool na Chelsea zahuye n’uruva gusenya, Barcelona inganya na Borussia

Ku mugoroba washize  ni bwo hatangiye imikino y’umunsi wa mbere mu matsinda, hakina kuva ku itsinda E kugera kuri H mu gihe andi asigaye (A kugeza kuri D) atangira gukina kuri uyu munsi

Umukino  wari witezwe na benshi  hagati ya Liverpool ifite igikombe giheruka na Napoli yo mu Butaliyani, warangiye iyi kipe yo mu Bwongereza itsinzwe ibitego 2-0 mu gihe yaherukaga gutakaza umukino ufungura iri rushanwa mu 2002.

Liverpool yihariye umupira mu minota ya mbere ariko abakinnyi bayo bashaka ibitego barimo Mohamed Salah na Sadio Mané, bagorwa cyane na myugariro w’umunya-Sénégal, Kalidou Koulibaly.

Umunyezamu wa Liverpool, Adrian wafashe umwanya wa Alisson Becker wavunitse, yarokoye ikipe ye ku mipira ibiri yakuyemo mu gice cya mbere ubwo yaterwaga na Fabian Ruiz mu gihe no mu gice cya kabiri yakuyemo uwa Dries Mertens.

Mohamed Salah yahushije uburyo bwabazwe ku ruhande rwa Liverpool ku ishoti yateye rigakurwamo n’umunyezamu wa Napoli, Alex Meret.

Iyi kipe yari mu rugo yabonye penaliti ku munota wa 82 ubwo Andy Robertson yakiniraga nabi Jose Callejon, yinjizwa neza na Dries Martenes.

Napoli yabonye igitego cya kabiri mu minota y’inyongera, ku makosa ya myugariro Virgil van Dijk watakaje umupira, Fernando Llorente ahita aroba umunyezamu Adrian.

Liverpool yabaye ikipe ya kabiri yegukanye UEFA Champions League igatsindwa umukino ubanza w’irushanwa rikurikiraho, nyuma ya Milanc AC mu 1994.

Muri iri tsinda E, Salzburg yo muri Autriche yanyagiye Genk yo mu Bubiligi ibitego 6-2.

Mu yindi mikino ikomeye yabaye, Chelsea yatsindiwe mu rugo na Valence igitego 1-0 mu gihe Borussia yahushije penaliti yatewe na Marco Reus, yanganyirije mu rugo na FC Barcelone ubusa ku busa.

UCL 2019: Liverpool na Chelsea zahuye n’uruva gusenya, Barcelona inganya na Borussia

UCL 2019: Liverpool na Chelsea zahuye n’uruva gusenya, Barcelona inganya na Borussia

UCL 2019: Liverpool na Chelsea zahuye n’uruva gusenya, Barcelona inganya na Borussia

TANGA IGITEKEREZO KURI IYI NKURU