Amwe mu mabanga buri mugore akwiye kumenya mu gihe cyo gutera akabariroBavuga ngo utazi ubwenge ashima ubwe, ushobora gutekereza ko ubirambyemo ko ntacyo wabeshywa ku bijyanye n’amabanga yo mu buriri,  ariko burya hari amwe mu mabanga buri mugore akwiye kumenya, kuko ngo akanyoni katagurutse ntikamenya iyo bweze.

Ibijyanye no gukora imibonano mpuzabitsina bisaba guhora wiyungura ubumenyi buri munsi hato ngo igikorwa cyagushimishaga kitazasigara kikururira.

Mu nkuru y’urubuga elcrema berekana ko nubwo imibonano mpuzabitsina igirwamo uruhare n’umugabo n’umugore ariko biba byiza iyo hari amabanga umugore yamenye yatuma icyo gikorwa kigenda neza.

Amwe muri ayo mabanga umugore agamba kuba azi harimo:

1. Kudaca umugabo inyuma

Umugabo uwo ariwe wese yanga byimazeyo umugore umuca inyuma niyo we yaba abikora, cyangwa se umugore abikora, ariko umugabo ntakabimenye.

Iyo rero umugabo wawe aziko umuca inyuma, bimutera umutima mubi, igikorwa cyo gutera akabariro nta gikore neza mu buryo bugushimisha, bigasa nkaho arimmo kurangiza umuhango gusa.

Buri mugore akwiye kumenya ko kugira ngo imibonano mpuzabitsina igende neza ari uko agomba kuba adaca inyuma umugabo we, yaba anabikora umugabo we ntabimenye kuko nibwo bose babasha gushimishanya ntawe ucyeka undi amababa.

2. Umugabo aba afite icyoba mu buriri

Umugabo burya uko yaba ameze kose, aba afite icyoba cyangwa guhuzagurika mu buriri yibaza niba ari bubashe gushimisha umugore bari kumwe, haba ari bwo bwa mbere bahuye cyangwa bamenyeranye.

Ibanga ugomba kumenya nk’umugore, ni ukumufasha mu gikorwa, mwese mukakigiramo uruhare ntumutererane kuko amaherezo nibitagenda neza nawe nturi bubashe gushimishwa n’icyo gikorwa.

Umugabo utabashije gushimisha umugore mu buriri arababara, bikamutera ipfunwe akaba yajya no kwihisha igihe amubonye, ni byiza ko rero ko wajya umufasha bikagenda neza.

3. Umugabo aba ashaka ko umubwira uko igikorwa kirimo kugenda

Buri mugabo mu buriri aba ashaka kuba igihangange, aba ashaka gushimisha umugore kurenza undi muntu uwo ariwe wese yaba yarahuye nawe mbere ye.

Mu gihe rero cyo gutera akabariro, aba yiteze ko wowe mugore umubwira, ukamuyobora,  ukanamushimira uko igikorwa kirimo kugenda kugira ngo arusheho kugira akanyabugabo no gukora neza kurenzaho.

4. Bwira umugabo wawe ko ateye neza ukimubona

Abagabo bashobora kugira ipfunwe ry’imiterere yabo y’umubiri cyangwa ibiro byinshi cyangwa bike, uburebure cyangwa ubugufi, uburyo ateye inyuma (physical appareance) n’ibindi, iyo rero afite ipfunwe ashobora kudakora neza igikorwa cyo gutera akabariro.

Ni byiza ko wowe mugore umutinyura ukamwereka ko ateye mu buryo wowe ukunda, ibyo bimufasha kuzuza inshingano ze neza mu buriri.

TANGA IGITEKEREZO KURI IYI NKURU