Mwiriwe neza! ndi umugabo ufite umugore tumaranye amezi make, kuva twabana aba arimo gusenga igihe cyose turi mu gikorwa cy’imibonano mpuzabitsina bikanyobera.

Mungire Inama: Iyo dutera akabariro n’ umugore wanjye aba arimo gusenga, yanze kumbwira ikibimutera

Turi abakirisitu dusengera mu idini Gaturika, bwa mbere nabonye akoze ku kimenyetso cy’umusaraba ndatungurwa, ndamubaza nti ubitewe n’iki, ansubiza ko asengeye rimwe atari bwirirwe yongera gusenga tugiye gusinzira, mbifata nk’ibisanzwe.

Na nyuma yaho yakomeje kubikora uko, ariko nyine kubera ko iyo ukibana n’umuntu wirinda kuba wamubaza byinshi kuko muba mugitinyana, ariko no kumanywa njya gutera akabariro akaba atangiye isengesho.

Mu gitondo mbere yo kubyuka iyo tubikoze, ubwo nyine nabwo aba arimo gusenga, iyo abonye igikorwa kirangiye asoza rya sengesho, ati “Amen”. Ikinyereka ko afite impamvu ni uko hari igihe tunarya tudasenze cyangwa tukaryama tudasenze ariko iyo tugiye gutera akabariro ntabwo ashobora kwibagirwa na rimwe.

Namubajije ikibimutera yanze kumbwira, ndamubaza nti ‘ese ukeka ko wabigiriramo ingaruka mbi?, Akansubiza ati ‘Oya’. Mbese mwabantu mwe byaranyobeye, ku buryo nsigaye numva ntanakeneye no kubikora.

Wowe watangira igikorwa cy’umunezero nka kiriya umuntu agatera isengesho rirangira nacyo kirangiye ukagikora wishimye, arava muri Dawe uri mu ijuru, izina ryawe ryubahwe,…. Akarirangiza, agafata ndakuramutsa Mariya, Akarirangiza agafata irindi, nanjye nahanjagaye, mbese we aba ari mu isi ye nanjye ndi mu byanjye!!!

Bavandimwe mungire inama kuko ndaremerewe, nabuze n’icyo nakora kandi yanze kubireka pe, namubwiye ko bimbangamira ariko ntacyo abikoraho!! Nkore iki?

2 IBITEKEREZO

TANGA IGITEKEREZO KURI IYI NKURU