Umuherwekazi wo muri Uganda arashinja Kompanyi y’indege ya Kenya Airways kumwiba imibavu ihenze yari avanye I Dubai aho ngo atazongera kugendera muri izi ndege zabo ngo kuko ibyo amaze kuhaburira ni byinshi.

Zari avuga ko iyi mibavu abinyujije ku rukuta rwe rwa Instagram, yavuze ko atari ubwa mbere aburira ibintu bye mu ndege y’iyi kompanyi.

Ati “  Nababajwe na Kenya Airlines . Buri gihe mababera indahemuka ariko mwebwe mukampemukira.  Ubundi nagiye mbyirengagiza ariko kuri iyi nshuro oya. Imibavu yose nahawe n’inshuti zanjye I Dubai yabuze.”

Yakomeje agira ati “ Muzi igihe nzagarukira, uwajyanye ibyanjye yazabingarurira kuko ntimwantwariye ubuntu. Mureke dusoze uyu mubano mu mahoro.”

Kenya Airways ntiyigeze ihakana ibivugwa na Zari gusa yamwijeje ko hari icyo igiye kubikoraho.

Bamusubije bati “   Zari, twifuza ko buri wese yagirana natwe ibihe byiza. Twakwandikiye tugira ngo tumenye ibijyanye n’urugendo rwawe bityo natwe tumenye uko tuza kubikurikirana, tumenye ibyabaye. Dutegereje igisubizo cyawe.”

Zari wahoze ari umugore wa Diamond azwiho gukora ingendo nyinshi z’ubucuruzi bwe.

Birumvikana ko Kenya Airways gutakaza umukiriya nk’uyu byaba ari igihombo gikomeye kuri ino kampanyi.

TANGA IGITEKEREZO KURI IYI NKURU