Mu ndirimbo shya (By’ukuri)ya Amalon iteganywa kuzashyirirwa amashusho hanze hazagararamo igice aho Amalon yakinanyemo na Shaddy Boo aho bisanishijije n’abacakara bo mu 1845.

Iyi ndirimbo nshya ya Amalon ikubiyemo ubutumwa bw’urukundo n’isezerano umusore aba aha umukobwa akunda amwizeza ko atazamutererana mu buzima bwabo bombi, ni indirimbo ije ikurikira iyo aherukagukora yitwa “Controla”. Amalon yabwiye KISS FM iyi ndirimbo yamutwaye ibihumbi 67 by’amadolari ya Amerika.

Iyi ndirimbo yasohotse mu buryo bw’amajwi, babanje kuyishyira ku mbuga za Internet zigurisha umuziki, bumwe mu buryo bugezweho bwo gusohora indirimbo ariko ikaninjiriza umuhanzi amafaranga.

Dj Pius ureberera inyungu z’umuziki wa Amalon yavuze ko Amashusho y’iyi ndirimbo yakozwe bashingiye ku nkuru y’umusore n’umukobwa bahuriye mu bucakara,Aba bakoreshwaga mu murima w’ipamba, baje gukundana. Kidobya iza kuba umwana w’umutware wakunze umukobwa w’umucakara ugaragara mu ndirimbo ari Shaddy Boo….

Nyuma yo gusohora iyi ndirimbo mu buryo bw’amajwi, byitezwe ko kuri uyu wa Gatatu tariki 13 Ugushyingo haza kujya hanze amashusho yayo.

TANGA IGITEKEREZO KURI IYI NKURU