Umuhanzi w’icyamamare ku mugabane wa Africa Wizkid yavuze impamvu yatewe ishema n’iserukiramuco rya Wasafi Festival 2019 aheruka kwitabira nk’umuhanzi mukuru mu bitaramo byazengurutse ahantu henshi.

Umunya Nigeria Wizkid yasobanuye neza impamvu zatumye asubika izindi gahunda zose yari afite akajya mu bitaramo bitegurwa n’inzu itunganya umuziki ya Diamond Platnumz nubwo kandi yari mu myiteguro yo kwerekeza mu iserukiramuco ryahuje ibyamamare bikomeye muri muzika ya Africa byabereye i Dubai muri Leta zunze ubumwe z’Abarabu byanitabiriwe n’Umunyarwanda Mugisha Benjamin.

Ubwo yaganiraga n’itangazamakuru i Dar es Salaam yarabisobanuye neza “Ubwo Diamond Platnumz yampamagaraga ntabwo nigeze mbitekerezaho kabiri, Telephone yasonnye rimwe mpita mubwira nti kabisa nzaza,atari uko nkunda Diamond, atari ugukunda Tanzanie ahubwo kubera ari iserukiramuco rihuza abahanzi bava muri Africa hose”.

Abahanzi Diamond Platnumz na Wizkid bitabiriye ibitaramo byabaye kuri uyu wa gatanu i Dubai muri Festive Arena byahawe izina rya “One Africa Music Fest”, ndetse muri ibi bitaramo harimo na Burna Boy ndetse n’umuhanzi The Ben wo mu Rwanda we munyarwanda rukumbi umaze kwitabira iri serukiramuco.

 

TANGA IGITEKEREZO KURI IYI NKURU